Skip to main content

Assit takukkit: Meeqqanut kanngutsaatsuliortarnerit unitsinniarlugit Qaanaami atuartut ingerlaaqatigiittut

Meeqqat pisinnaatitaaffii pillugit Qaanaami meeqqat atuarfiani atuartut sammisaqartinneqarput. Atuartut sisamanngormat ingerlaaqartigiipput - kommunili iliuuseqanngilaq

Meeqqanut kanngutsaatsuliornerit, attualaarisarnerit atornerluisarnerillu unitsinniarlugit Avanersuup Atuarfiani atuartut sammisaqartinneqarput sapaatip akunnerani matumani. 

Pulaartoqaqattaarput politiininngaaniit, Ilaqutariit illuanniit  peqqinnissaqarfimmiillu saqqumiisoqaqattaarpoq, tassani meeqqat pisinnaatitaaffii saqqummiunneqartarput. 

- Eqqartuisarutta aatsaat toqqortuinata paquminartuutinneqartullu nipituuliorutigineqartalerpata anguniagaq qalliallassinnaammat, aammalu meeqqanik pinerluttartunik annikillisaarfiginiarlugit. Nunarput tamakkerlugu ajornartorsiut ersarimmat sammisaq tigulluarneqarpoq Avanersuup Atuarfiani atuartunik, Avanersuup Atuarfiani ilinniartitsisoq Rasmine J. Normann tusagassiuutinut allappoq. 

Ingerlaaqatigiinneq iliuuseqarfigineqanngitsoq
Atuartut allagartarsualioriarlutik ingerlaaqatigiipput sisamanngormat. Ingerlaaqatigiinnerup naammassinerani kommunimut suliatik saqqummiukkiartorpaat. 

- Angajullit illoqarfimmi angalaarlutik oqariartuutitik megafonikkut oqaatigillattaajutaa nipituuliorput. Taavalu nukarlerit ilaarlugit nipituuliorlutillu allagartanik pajupput. Meeqqat nipituuliorutaasa ilagaat angajoqqaat bingornermi aalakoornerminnilu meeqqat qimaannartarneri aqqutissiuisoortartut atornerluinermut. Atornerluisartunullu uneqqusinerit. Sulisut ilai anillallutik tusarnaarput, allamillu atuartut qisuariarfigineqaratik. Ajoraluartumik, Rasmine J. Normann oqarpoq. 

Allagartat ilai pisiniarfiup nivinngaavianut inissipput.

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER