Assit takukkit: Kunngissap nulia Mary Nuummiittoq
Kunngissap nulia ataatsimeersuarnermut arnat persuttarneqartarnerannut tunngassutilimmut peqataavoq
Kunngissap nulia Mary ataasinngornermi Nuummut tikimmat, sila pitsaanerpaaffimminiippoq.
Taanna marlunngornermi Katuami ataatsimeersuarnermut peqataanissaminut atatillugu Kalaallit Nunaanniippoq.
Ataatsimeersuarnermi arnat persuttarneqartarnerat ukkanneqassaaq - kiisalu ilaqutaasut aamma persuttaanermut eqqugaasut oqaluuserineqassapput.
Suliamullu attuumassuteqartut nunamit tamaneersut 170-it aaqqissuussami peqataassapput.
Peqataasut ataatsimoorlutik ilaqutariinni persutaasoqartannginnissaanut iliuusissanut isumassarsianik siunnersuutinillu nassaassapput.
Kunngissap nuliata peqataanerata saniatigut Martha Lund Olsen ataatsimiinnermut peqataassaaq.
Atuaruk: Kronprinsesse Mary Nuummi ataatsimiinnermik ammaassaaq
Suleqatigiinneq siammasissoq
Attaveqaqatigiit Kattunneq, ataatsimeersuarnermik aaqqissuussisoq, Mary Fonden, Danner, qimarguiit, Mælkebøttecenteret, Isumaginninnermut Naalakkersuisoqarfiup kiisalu OAK Foundation Denmark akornanni suleqatigiinneruvoq.
Uuma allaaserisap ataani assit takukkit
