kunngikkormiut nunatsinni

Assit takukkit: Kunngikkut Maniitsumiinnerat

Kunngikkut nunatsinni angalanerat naajartulerpoq. Ataasinngormat kunngikkut Maniitsumut tikipput

Rena Knudsen arfinilinnik ukiulik naasunik tunniussisuuvoq, Seth K. Heilmann aamma arfinillinnik ukiulik kunngikkormiunut Maniitsumut tikilluaqquseqataasoq Leiff JosefsenAtaqqinartorsuakkut Maniitsumut nalunaaquta qulinut tikimmata sila pujorluni nillerpoq. Qeqqata Kommuniani borgmesterip tullia Gedion Lyberth tikilluaqqussummik oqalugiarpoq Leiff JosefsenIlloqarfiup erinarsoqatigiivi, Inuusuit Nipaat, kunngikkormiut Maniitsumut tikimmata 'Inuuffiga ungagaakkit' atorpaat Leiff JosefsenUmiarsualivimmi tikilluaqqusinerup kingorna kunngikkormiut meeqqerivimmut Kunuunnguamut pulaarput, meeraaqqerivimmiut meeqqerivimmiullu iPadinik aamma Legonik pinnguartut ilassineqarput Leiff JosefsenMeeqqerivimmiut kunngikkormiut erinarsorfigaat kalattoorlutillu Leiff JosefsenDronning Margrethep Royal Greenland 2014-mi ukiorpassuarni matoqqareerluni tunisassiulertoq pulaarpaa. Royal Greenlandip naatsorsuutigaa ukioq naallugu sulisoqartarnissaq, aasaanera saarullinnik tunisassiorluni ukiuuneranilu qaleralinnik Leiff JosefsenDronning Royal Greenlandip tunisassiorfiata inersuaanut iserpoq, saarulliillu poortorneqarneri takullugit Leiff JosefsenKunngikkormiut assassortarfik Art Workshop Maniitsoq pulaarpaat, sulianullu assut soqutiginnipput. Ilaatigut saveqarpoq aamma umimmaap meqquinik suliat assigiinngitsut Leiff JosefsenKatersugaasivimmi kalaallisuut ukiuni assigiinngitsuneersut kunngikkormiunut takutinneqarput. Dronning angalanermini kamiit takisuut aappaluttut arnanit atorneqartarunnaarsimasut malugisimallugu oqarpoq. - Uanga kisima suli atortarunarpakka, qungujulluni oqarpoq Leiff JosefsenKunngikkormiut utoqqaat illuat Neriusaaq 42-nik najugaqarfigineqartoq pulaarpat. Forstanderip Arnannguaq Heilmann Christensenip kunngikkormiut utoqqaat illuanni takornariartippai Leiff JosefsenKunngikkormiut utoqqaat illuat Neriusaaq 42-nik najugaqarfigineqartoq pulaarpat. Forstanderip Arnannguaq Heilmann Christensenip kunngikkormiut utoqqaat illuanni takornariartippai Leiff JosefsenInuusuit Nipaat inuiattut erinarsuut ‘Nuna asiilasooq’ atormassuk, kunngikkormiut nikueqataapput Leiff Josefsen

Kunngikkut ukioq manna nunatsinni angalanerminni pilersaarutigaat Upernavimmiit Nuummut illoqarfiit nunaqarfiillu tikeraassallugit. Ataasinngormat kunngikkut Maniitsumut, angalanerminni illoqarfiit tikitassamik kingulliup tullianut, tikipput.

Kunngikkut Maniitsumi pulaarpaat meeqqerivik, eqqumiitsuliortut sanaluttarfiat, Roayl Greenlandip suliffissua aamma Lilleholm Food, nunatsinni tuniniagassanik tunisassiortoq.

Hotel Maniitsumi ullo'qeqqasioreerlutik eqqumiitsuliortut sanaluttarfiat, katersugaasivik utoqqaallu illuat pulaarpaat, Maniitsumiinnerallu naggaserlugu Timersortarfimmi innuttaasut kaffisoqatigineqarput, tassani erinarsoqatigiit Inuusuit Nipaat inuiattut erinarsuuterput ´Nuna asiilasooq´ erinarsorpaat.

Assit ataani takukkit

Powered by Labrador CMS