kunngikkormiut

Assit takukkit: Kunngikkormiut Qullissat tikeraarpaat

Kunngikkormiut Qullissat illoqarfik aamarsuarsiorfiusimasoq tikeraarmassuk ippernaqaqaluni putserpoq

Leiff JosefsenKunngikkormiut Qullissanut tikimmata suli putserpallaanngilaq, Kunngikkormiullu umiarsuaat Dannebrog, Sorsuut Thetis aamma Sisak IV takuneqarsinnaapput Leiff JosefsenKunngikkormiut Kongevejikkoorput Qullissani aasarsiortut naapikkiartorlugit Leiff JosefsenKunngikkormiut helikopterimik Qullissanut tikipput Leiff JosefsenKatersortarfik ungasimmat kunngikkormiut aqqutaani ingilaartariaqarput, aqqutaanilu Bendt B. Kristiansenip oqalugiarnini ingerlappaa Leiff JosefsenKatersortarfimmi kunngikkormiut assinik takutitsivigineqarput, Qullissat suli inoqarallarmat 1972 sioqqullugu matuneqanngikkallarmat. Kunngikkormiut alapernaapput soqutiginnillutik apersullattaarlutikK Leiff JosefsenKatersugaasivimmi atortut qimatat kunngikkormiunut takutinneqarput, aasaanerani illoqarfikumiittunik katersorneqartarsimasut Leiff JosefsenIngrid Burkal dronningilu. Ingrid Burkal Danmarkimi najugaqarpoq, ukiunilu 20-ni kingullerni aasaanerani Qullissaniittarluni nunatsinnilu illoqarfinni allani. Taanna marlunnik ukioqarluni Qallissanut nuuppoq, tassanilu peroriartorluni Leiff JosefsenKaalinnguaq Olsvig qaannamik takutitsivoq Leiff JosefsenKunngikkormiut Dannebrogimut utinnginnerminni Kaalinnguaq Olsvig assammippaat, aajuna prins Henrik assammippaa Leiff Josefsen Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Dorthe Olsen

marlunngo 14. juu 2015 14:22

Annonse

Kunngikkormiut helikopterimik marlunngornermi ullaap tungaani Qullissanut tikimmata inuit amerlanngitsut katerisimapput. Qaasuitsup Kommuniani kommunalbestyrelsemut ilaasortaq Bendt B. Kristiansen qaqortumik annoraalerluni paninilu mikisoq kalaallisoortoq, Arnannguaq Kristiansen sisamanik ukiulik naasunik dronningimut tunniussisussaq piareersimavoq.

Kunngikkormiut tikimmata anoreqanngilaq, qulisimalluni putsilaarpoq, taamaattumillu immamut ilulissanullu aamaruutissaqarfiusimasup avataaniittunut isikkiveqanngilaq. Qaqqat illoqarfiup qulaatungaaniittoq aamma pujornera peqqutigalugu takuneqarsinnaanngilaq, taamaallaat illut aserfallassimasut qernertunik igalaallik takussaapput. Illut ilaalli inoqarput qalipaqqammerlutillu, silataannilu manisanik nivingasoqarlutik aamma pujoorfii pujoorlutik.

Kisiannili ippernaqaqaaq, tamannali kunngikkormiut ajoqutigivallaartorsuunngilaat. Kunngikkormiut Kongevejenikkoorlutit ingerlaarput, unikkamillu Bendt B. Kristiansen tikilluaqqusilluni kalaallisut qallunaatullu oqalugiarpoq.

Taassuma kingorna Thorkild Jerimiassen Ilulissani Qullissat Ikinngutaani siulittaasoq kunngikkormiunut oqalugiarpoq. Oqalugiartoqareermat katersortarfimmut katersugaasivimmullu pisuttuarput, tassanilu assitoqqanik takutitsisoqarlunilu Qullissat oqaluttuassartaannik oqaluttuartoqarpoq.

Tikeraarneq qaannamik takutitsinermik naggaserneqarpoq, kunngikkormiullu sissamiit isiginnaarpaat. Kunngikkormiut Dannebrogimut sorsuutip gummibådianik ikaarunneqarput, timmisartumik uternissaannut putserpallaalernera peqqutigalugu.

Nalunaaqutaq pingasunut kunngikkormiut Saqqamut tikeraassapput, ilaatigut Saqqaq kulturi pillugu oqaluttuunneqassapput puisinniarnermillu takutitsivigineqarlutik.

Kunngikkormiut aasaanerani Kalaallit Nunaanni angalaarnerannit allanik atuarit aamma assit uani takukkit

Allaaserisap ataani assit takukkit