nipilersorneq
Assit takukkit: Kulusummi pattagiarluni tusarnaartitsineq
Kulusummi meeqqanik inuusuttunillu pattagiamik ilinniartitsineq tallimanngormat nunaqarfimmi tusarnaartitsinermik naammassineqarpoq
Tallimanngorneq 20. maaji Kulusummi nipilersornermik ilinniarfik siullermeerluni pattagiartunik tusarnaartitsivoq.
Programmi nunaqarfiup nipilersornermik ilinniartitsisuanit katiterneqarsimasoq, pattannermik aamma qitinnermik imaqarpoq. Nipilersukkat ilisarisimaneqarluartut atorneqarput, kisimiilluni aamma marlukkaarluni kalaallisut qallunaatullu erinarsortoqarpoq, tassani tusarnaartut aamma erinarsoqataanissaminnut periarfissaqarput.
Aammalu pattagiaqatigiittoqarpoq, kalattoortoqarpoq, qilaatersortoqarlunilu allatut qitittoqarpoq.
Kulusummi pattannermik ilinniartitsineq kommunip suliniutigisaa Sermitsiaq.AG-p apriilimi oqaluttuaraa.
Angajoqqaat tulluusimaartut
- Pattagiarnermik ilinniartut ukiumi matumani atuarfiusumi ilikkakkatik takutippaat, tamannalu aaqqissuussineq pissanganarpoq, ilinniartitsisunut angajoqqaanut atuartunullu tamanut misigisaq annertuujuvoq, nipilersornermik aamma atuarfimmi ilinniartitsisoq Natalie Holm Sermitsiaq.AG-mut oqaluttuarpoq.
Tusarnaartitsinerup naanerani pattannermik ilinniartut diplominnapput.
Kulusummit oqaluttuat tamaasa atuakkit