Nanortalk
Assit takukkit: Kujataani angalaffiup nalaani umiarsurmik takornariat 10.000-t
Sisamanngornerinnarmi umiarsuarmik takornariat 2.650-it Nanortalimmut tikipput
Nanortalimmi takornariartitsinermik suliaqartunut sisamanngorneq tallimanngornerlu ulapiffiupput.
Sisamnngornermi ullaakkut nalunaaqutaq 07.00 umiarsuarmik takornarit umiarsuarmik 'Zurichdamimik', Kujataani illoqarfimmi 1.200-nik inoqartumut 1.900-t tikipput.
Erinarsoqatigiit
- Katersugaasivik ammavoq, oqaluffimmi erinarsoqatigiit tusarnaartitsipput aamma silami tuniniaasorpassuaqarpoq. Seqinnarissinnarluni pujulerpoq. Nalunaaqutaq 12.30 aallaqqipput. Kisianni uagut aatsaat aallartilaarpugut. Tassani nalunaaqutaq marlunut tyskit takornarissat 750-it 'Albatrosimut' ilaallutik tikipput, Nanortalik Tourism Servicemi piginnittoq, Niels Tækker ilisimatitsivoq.
Tallimanngornermi umiarsuaq 'Seaborn Quest' 450-inik ilaasoqarluni tikippoq.
Takornariaqarluartoq
Umiarsuarnik ukiormanna takornariaqarneq Nanortalimmi taamaatingajalerpoq, ukioq manna tikittussat marluk kingulliit septembarip 9-ata aamma 25-ata akornanni tikinnissaat pilersaarutaavoq.
Ukioq mannalu Nanortalimmi umiarsuarmik takornarissat 9.000 aamma 10.000 akornanniipput, Niels Tækker Jepsen ilisimatitsivoq.
Sisamanngornermi tikittoqarneranut atatillugu assit uani ataani takukkit