københavn

Assit takukkit: Kielsenip ukiortaami ilassinninnera siulleq

Ukiortaami Københavnimi ilasseqatigiinneq pisarnertut marloqiusaaluni ingerlanneqarpoq. Danskit naalakkersuisui, aallartitaat kiisalu diplomatii siullermik ilassineqassapput. Suleqatigineqartut allat tulliuttumi ilassineqassapput, Nersornaaserneqarnikut kiisalu Kalaallit Nunaata ikinngutai ilassineqassallutik

Kim Kielsen kalaallisut oqalugiarpoq, Nuka Møller tuluttut nutseraluni Arktis MediaQaaqqusani 100-t missaanniittut Naalakkersuisut siulittaasuata ukiortaami ilassinninnerani peqataapput Arktis MediaMads Lumholt aamma Aavaat aliikkusersuipput Arktis Media Arktis MediaNaalakkersuisunut ilaasortap Vittus Qujaukitsup Siumumeersup Folketingimi Kalaallit Nunaata ataatsimiititaliaani ilaasortaq Flemming Møller Mortensen Socialdemokraatineersoq oqaloqatigaa Arktis MediaProfessori Minik Rosing aamma Kim Kielsen oqaloqatigiillatsiartut Arktis MediaNunanut allanut ministeri Martin Lidegaard kiisalu Naalakkersuisut siulittaasuat Kim Kielsen Arktis MediaNunanut allanut ministeri Martin Lidegaard Naalakkersuisut siulittaasuata ukiortaami ilassinninnerani qaqortumik annoraaqarpoq Arktis Media

Arktis MediaArktis MediaArktis MediaArktis MediaArktis MediaArktis MediaArktis MediaArktis Media

Rosa Thorsen, København

sisamanng 08. uki 2015 12:02

Annonse

Siullermik Frankrigimi alianarluinnartumik pingasunngornermi pisoqarneranut Frankrigimut innuttaasuinullu misiginneqataanini oqaatigaa. Inuit 100-t missaanniittut peqataapput Københanimi Kalaallit Nunaata Sinniisoqarfiani Nordatlantens Bryggemi ukiortaami ilasseqatigiittoqarnerani.

- Naalakkersuisunngortut naalakkersuisooqatigiinnermut tunngaviusut piviusunngortinneqarnissaat annertuumik aallutissavaat. Tassani nutaanik suliniutissarpassuaqarpoq, tamarmik suliffissaqartitsiniarnerup annertunerulersinnissaanut aningaasaqarnerullu pitsaanerulersinnissaanut iluaqutaasussaallutik. Ataatsimoorneq, toqqissisimaneq ineriartortitsinerlu tassani pingaarnerpaatut tunaartarineqassapput, Kim Kielsenip oqalugiaammini oqarpoq.

- Tassami Kalaallit Nunaata aningaasaqarnerani, nunani allani pisut assigalugit, unammilligassaqarpoq. Taamaattumik aalajangiinissanut arlalippassuarnut pisariaqartunut pingaaruteqartunullu, Kalaallit Nunaata siunissami aningaasaqarneranik ilusilersueqataasussanut, pitsaanerpaanik tunngavissiiniarsarissaagut, Naalakkersuisut siulittaasuat oqarpoq.

Aatsitassanut suliassaqarfimmi aallussinerup ingerlaqqinnissaa Naalakkersuisut pingaartippaat. Nunani tamalaani aatsitassanut akigititat appasikkaluartut, nunatsinni kisiannili aamma nunani tamalaani aningaasaliisartut kissaataannik piumasaqaataannillu naammassinnissinnaasunik, sapinngisamik pitsaanerpaanik atugassaqartitsiniarluni, Kim Kielsen oqarpoq.

- Kalaallit Nunaata aatsitassarsiornermut suliassaqarfimmi inerisaaneq ineriartortitsinerlu ingerlatiinnarniarpaa. Tassani Kalaallit Nunaata uranimut tunngatillugu akuersaanngilluinnarnissamik atorunnaarsitsineq attatiinnarneqartoq erseqqissassallugu pingaaruteqarpoq. Isumannaallisaanerup, avatangiisit peqqinnissallu iluanni nunani tamalaani pitsaassusissanut malitassat qaffasissut inissereersimappata, aatsitassarsiorluni misissuinissaq ajornassanngilaq, aamma urani saniatigut tunisassiassatut ilaagaluarpalluunniit, Naalakkersuisut siulittaasuat Kim Kielsen oqarpoq.

Nunanut allanut ministeri ukiortaami oqalugiartaraluartoq ukioq manna oqalugianngilaq.

Assit ataani takukkit