Skip to main content

Assit takukkit: Kielsen: Nuuk aalajangiisuussaaq

Nuummi illorsuarmi timersortarfimmi qilaaq qangattangajalluinnarpoq Kim Kielsen parteeqatiminit nersorneqarmat

Eqitaarinerpassuit nuannaajallannerullu pianik suaartarnerit Siumup siulittaasua Kim Kielsen aqqaninngulernerani Nuummi illorsuarmut timersortarfimmut apuummat pipput.

Sermitsiaq.AG inuit nipiliortullu akornannit illuartilaarpaa:

- Iluatsippa?

- Suli naamik, akipallappoq.

Siumut massakkorpiaq qinersinerit qinersiviit affaasa kisinneqareerneranni ajugaarujussuartussatut inissisimavoq, tassa qinersinerit pingajorarterutaasa kisinneqareerneranni.

Kisianni illoqarfiit anginerit suli amigaataapput.

- Nunaqarfinni PINNGUTSOORATA ajugaassaagut, maannalu tassa inerneri takusinnaavagut. Kisianni qinersineq tamarmi Nuummi qinersinerit aalajangiivigissavaat, Sermitsiaq.AG-mut aalajangersimalluni oqarpoq.

- Eqqoriarsinnaaviuk qinersineq qanoq inerneqarumaartoq?

- Naamik, kisianni maannamut kusanarpoq. Naak, IA angumaannaraluaraatigut, oqarpoq.

- Qanorippa ilagisarnit taama tikilluaqquneqarluni?

- Nuannerpoq.

- Attortinnarpa?

- Aap. Taamaalluinnarpoq.

Enoksen?
Partii Naleraq - qineqqusaarnerup ingerlanerani ilimagineqareersutut, Naalakkersuisunngortitsinissami oqimaalutanngorsinnaavoq. Maannalu apeqqutinngorpoq Kim Kielsenip Hans Enoksenimut isumaqatigiinniareersimanersoq. Kisianni apeqqut taanna akiumanngilaa.

Kisianni tunngaviusumik anguniagassat saqqummiukkusussinnaavai:

- Suleqatigiinneq. Tassa Kalaallit Nunaata maanna pisariaqartitaa.

- Assat IA-mut isaappiuk?

- Partiit tamaasa suleqatigerusuppagut. Tamanna qineqqusaarnerup ingerlanerani oqaatigiuarsimavarput. Tamannalu pimoorupparput, Kim Kielsen akivoq.

Assit allaaserisap ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER