kusanaq
Assit takukkit: Kalaallit Københavnimi operettemik erinarsortut
Lehárip operetteliaa nuannarineqartoq ´Den Glade Enke´ sapaatiummat kalaallisut erinarsorneqarpoq kalaallinit operamik erinarsortartunit Ida Heinrichimit Josef Josefsenimillu
Tusarnaartut nuannarinnillutik nikuillutik ersaartaapput, Ida Heinrichip Josef Josefsenillu sapaatiummat ualikkut Franz Lehárip asanninnilersaarummik operetteliaa nuannarineqartoq ´Lippen Schweigen´- qallunaatut ´Den glade enke´- erinarsoreeraat.
Tamanna pivoq Københavnimi Christianskirken-imi.
Ida Heinrichip operette nuannaraa kalaallisullu erinarsussallugu misilikkusussimavaa.
– Sisamanngormat kalaallisuumut nutserpara. Tusarnaartullu nuannarinninnerat nuannaarutigeqaara, Ida Heinrich Sermitsiaq.AG-mut oqarpoq.
Operamik erinarsortartutut ilinniarsimasut marluk ingiorneqarput erinarsortartunit Pauline Lumholtimit Emil Mølgaardimillu.
– Tusarnaartitsineq nalissaqanngilaq. Erinarsuutinit killitseqaanga. Nersortariaqarput, tusagassiortoq Helene Risager tusarnaartitsinerup kingorna oqarpoq.
Tusarnaartitsinermi akunnerip aappaata affaanik sivisussusilimmi organisit Søren Johansen pattattoralugu operette-t assigiinngitsut 15-it kalaallillu erinarsuutaat ilisimaneqarluartut erinarsorneqarput.
Sapaammi tusarnaartitsineq kalaallit juullisiutaannik cd-mik immiussinerup naammasseqqammersup nanginneraa, pilersaarutaavorlu cd oktobarimi saqqummersinneqassasoq.
– Isumaliutigaarput aamma juullimi tusarnaartitsinissarput, Ida Heinrich oqaluttuarpoq.
Kalaallip arnap operamik erinarsortartup organist Søren Johansen, Christianskirken-imeersoq, qanimut suleqatigaa.
Allaaserisap ataani assit takukkit