Skip to main content

Assit takukkit: Jappa sinerissami illartitsivippoq

Aasianni isiginnaartut isiginnaagassiaq tigulluarpaat

Qulaarsinianngikkaluarluni oqaatingineqassooq Jappa, Nunatta Isiginnaartitsisarfiata ulluni makkunani sinerissami takuteqattaagaa, quianartorujussuusoq.

Isiginnaagassiaq qallunaap 1720-mi sanasimasaa kalaallisuunngortitaq, isiginnaartitsisartunit arfineq marlunnit inuttaqartoq, quianartunik ulikkaarpoq.

Isiginnaartitsissut naammap isiginnaartitsisullu qujallutik sikimmata isiginnaartuulluni misiginarpoq illarsimanermut quiasussimanermullu naammatsissimalluni. Tupaallannalaarporlu isiginnaartitsissutip quianarnerpaaffimmini Piitannguaq Alaufesenip ingattalluni quiasaarisarnermini illarnartarnersua naleqqasiussinnaasarmagu.

Illoqarfinni arfinilinni takutinneqarpoq
Jappa Aasianni takutinneqannginnerani isiginnaartitsisartut Qaqortoq, Sisimiut, Ilulissat Qasigiannguillu tikereersimavaat. Aasianniillu Upernavik kingulliullugu takutitsiffigissussaavaat.

Sermitsiaq.AG-p isiginnaagassiami pingaarnertut inuttaasoq, Miki Fencker Thomsen, tallimanngormat 11. november Aasiaat katersortarfiani isiginnaartitseqqammertoq naapippaa.

- Isiginnaartitsissut suliaralugu aallartipparput aggustimi, qaammatillu ataatsip ingerlanerata missaani sungiusarparput inissinnissaata tungaanut, Miki Fencker Thomsen oqaluttuarpoq.

Suna tamarmi allataavoq
Allaanngilaq ilaatingut isiginnaartitsisut pilersaarutaanngittumik pissuseqalertartut.

- Taamaanngilaq, suna tamarmi allataavoq pilersaarutaanngittunillu akoqanngilaq. Soorunami ilaatigut pilersaarutaanngittunik akoqariasaalersarpoq, kisianni minnerpaanut allaat tamarmik allataapput. Ilitsersuisup suliarinikuuaa tamaat misilittaqqissaarlugu, torrammik oqariartuuteqalernissaata tungaanut.

Isiginnaartitsissutip oqaluttuartaa aallaavimmigut alianarsinnaasorujussuungaluarpoq, kisianni illarnartorujussuuvoq.

- Ilumoorpoq. Kisianni aamma paasineqarsinnaavoq ilorraap tungaanut ajattuerusunnertut. Ilumoorpormi isiginnaangassiami takutinneqartut ullumikkut atorneqartunut assingusuusinnaammata.

Naammaleqaaq?
- Aammami piffissanngunngila oqassalluni, tassa naammaleqaaq?! Tamanna aamma ilaatigut peqqutaaqataavoq isiginnaartitsissut angallakkatigu, Miki Fencker Thomsen, isiginnaartitsissumi Jappami, Nunatta Isiginnaartitsisarfianeersumi, pingaarnertut inuttaasoq oqarpoq.

Allaaserisap ataani assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER