Assit takukkit: Issittumi takornarissanik angallassisartut 15-t ilinniarsimasunngortut

Campus Kujalleq ukioq manna issittumi takornarianik angallassisartunik 15-inik nutaanik ilinniarsimasoqalerpoq.

Amerlapput, kisianni illuanik aamma angallaffiunerani takornariartitsisartut 150-t pisariaqartinneqartarput, forstanderi Henrik E Nielsen Campus Kujallermeersoq ilisimatitsivoq.

Maanna katillugu 62-it ilinniagaq naammassivaat, sisamassaanillu allagartartaartoqarpoq.

Aallussilluni ilinniarneq
- Issittumi takornarianik angallassisartunngorniartuutigut Nunatsinni ilinniakkat ataasiinnarmik aallussinerpaat ilaat aqqusaarpaat. Takornarialerinermut ilisimasanik aamma paasissutissiisinnaanermut Nunatta oqaluttuarisaaneranut, eqqumiitsulianut, naasunut, uumasunut aamma geologiimut sakkortuunik piumasaqaateqarpoq, Henrik E. Nielsen nassuiaavoq.

Taassuma saniatigut aamma ikiueqqaarnermut ilinniartarput.

Suliffeqarfinnut
Amerlasuut allagartartaareernerminni takornarianik sullissiartussapput, angallaffiusorlu naammassippat arlaqartut ilinniaqqissapput, minnerunngitsumik Campus Kujallermi takornariartitsinermi serviceøkonominut aamma Ilisimatusarfimmi kulturimut inuiaqatigiilerinermullu ilinniarfimmi.

Adventure guide
Kiisalu aggustiminngaanniik Campus Kujallermi takornariartitsinermut ilinniarnissamik nutaamik adventure guidetut periarfissaqalissaaq. Tassani takornariartitsisup illoqarfiit avataanukaattassavaat, pisullutik imaluunnii angallammik ingerlatsillutik - angalanerit sivisunerusut silami unnuinertallik - isumannaallisaanermut annertuumik ukkatarinnillutik, forstanderi ilisimatitsivoq.

Ilinniarnerup ingerlanerani assit uani ataani takukkit