Skip to main content

Assit takukkit: Isertitsinerpassuit aamma ajugaaneq aalassatsitsisoq

Nunatsinni isikkammik arsarluni pissartanngorniunnerni ullut unammiffiusut aappassaat unamminerni tallimani 22-nik isertitsiffiuvoq

Maanna angutit isikkammik arsarlutik Nuummi pissartanngorniunneranni, ullut marluk unammiffioreerput.

Marlunngornermi unamminermi siullermi G-44 Qeqertarsuarmeersut Siuteroq-45-mut Nanortalimmeersunut ajugaavoq.

Unammineq naligiiffiuinnavippoq. Kisianni unamminerup immikkoortuani siullermik pisoqarpoq, tassanilu Siuteroq-45 annertuumik naammagittaalliorpoq.

Tassami arsartut Nanortalimmeersut isumaqarput, unamminermi fairplayertoqartussaagaluartoq, kisianni taammaattoqarnera G-44-meersut isertitsiffigiinnarpaat.

Unamminerup kingorna Siuterormiut pakatsisupilussuupput akerliunertillu takutippaa, isertitsinerli isikkammik arsarnermi inatsisinik unioqqutitsinerunngilaq, unamminermilu aaqqissuisut akerliunermik takutitsineq itigartitsissutigiinnarpaat. Unammineq taamaalilluni 1-0-imik inerneqarpoq.

Unammineq naligiiffiunngitsoq
Nagdlunguak Ilulissaneersut aamma TM-62 Kulusummeersut ullormi unammisut apparaat.

TM-62 maanna marloriarluni unammereerpoq, taakkunanilu ajorsarujussuarput, N-48 tassani 12-0-imik ajugaavoq.

Nick Reimer Nagdlunguameersoq tallimanik isertitsivoq, unamminermilu arsarluarnerpaatut toqqagaavoq. 

B-67 Nuummeersut aamma Kagssagssuk Maniitsumeersut ullormi unammisut pingajoraat.

Atuaruk: Isikkammik arsarluni Nuummi GM-ertoqarnerani programmi uani takuuk

Kagssagssuk unamminermi siullermi Siuterumut ajorsarpoq, semifinalimullu neriuuteqassagunik B-67-imut ajugaasariaqarput.

Kagssagssulli B-67-ip illersuisuinut nukittuunut ulorianartorsiortitsinertik iluatsinngilaat, illuanillu B-67-ip piffissaq sivisooq unammiffimminni arsaq sivisuumik paarisaqattaarpaat, ilaatigullu sukkatseriasaarnermikkut periarfissanik pilersitsisaqattaarput. 

Unammineq arriitsoq
Isertitsineq siulleq frisparkimi toqqaannartumik 20-25 meterit missaaninngaanniit Niels Svanemit kusanartumik isertinneqarpoq, aappaalu Johan Bidstrupip arsarluartup qeqqanoorineratigut Ari Hermannimit isertinneqarpoq.

Unamminerup immikkoortuata aappaa arriitsumik ingerlanneqarpoq, B-67 arsammik tigumminninnerulluni. 

Unammineq naammassimmat Johan Bidstrup arsarluarnerpaatut toqqarneqarpoq.

GM 2016: Programmi aamma inernerit takukkit

Unammineq kingulleq isertitsiffiulluartoq
Ullormi unamminermi kingullermi IT-79 aamma FC Malamuk unammipput.

FC Malamuk aamma unamminermi ajorsarnikuuvoq, taamaattumillu ajugaasariaqarput, unammisaalli IT-79 aallarteqqaartartunik arlalinnik sassartitsinngitsut FC Malamummut pisassaanngillat.

IT-79 unamminerup immikkoortuani siullermi 2-0-imik siuarpoq, Malik Juhl aamma Hans Karl Berthelsen isertitsisoralugit.

Immikkoortup aappaani IT-79 arsartunik suli unammeqataanngitsunik marlunnik taarsiivoq. 

Assit takukkit: Nuummi GM aallartilluartoq

FC Malamuk maanna IT-79-imut tamaviaartitsivoq, Bernhardt Fleischerilu isertitsivoq.

IT-79-ip minutsit 20-t missaani ingerlareersullu Jacob Fleischer aamma Kaassannguaq Zeeb isertippaat, taakkulu marluk unamminermi tigusititseqqipput, pingasunillu isertitsisoqarpoq. Unamminerup naammassilernerani FC Malamuk strafferluni isertitsivoq, unamminerlu naammassivoq.

Atuaruk: Isikkammi arsarluni GM-ernissami unammeqattaartussat aaku

Uani ataani asserpassuit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER