Timi Asimi
Assit takukkit: Inuusuttut aputinik meterinik portussusilinnik unammillertut
Inuusuttut inuiaqatigiinni inooqataanermik ajornartorsiortut, inuusuttunut suliniummi Timi Asimi-mi peqataasut, saapaatit akunnerini kingullerni marlunni pinngortitami sakkortuumik nukersortinneqarput
Inuusuttunut suliniut Timi Asimi, januaarimi matuneqangajassimasoq, maanna tamakkiisumik ingerlaqqilerpoq Kommuneqarfik Sermersuup Nuummilu børnehjemmip suleqatigiinnerisigut.
Maannakkumiit juullip tungaanut Timi Asimi inuusuttunut qulinut sammisaqartitsissaaq børnehjemmi Qaamasoq suleqatigalugu.
Sapaatit akunnerini kingullerni marlunni inuusuttut Timi Asimi-p suliniutaani peqataapput, tassani akunnerni 24-ni ikiueqqaarnermik pikkorissarnermi angusillutik, rappelling-imik misiliillutik, ullunilu pingasuni Kangerluarsunnguani apisimaqisumi illuaqqamiillutik sakkortuumik nukersortinneqarlutik.
Taamatut oqaluttuarpoq Timi Asimi-p pisortaa Kim Godtfredsen.
Sammisassat pissanganartut
Sapaatip akunnerani tullemri inuusuttut sapaatit akunnerini arfineq-pingasuni nalunnermik annaassiniartartutullu pikkorissartinneqassapput.
– Sapaatit akunneri pissanganartut ornippavut, umiarsuarlu ikinnguterput, Knud Rasmussen, novembarimi umiarsuarmi pissanganartunik sammititsissamaarpoq, taannalu Timi Asimi-p programmiata ilagaa, Kim Godtfredsen oqarpoq.
Suilniut Timi Asimi, inuusuttut ilinniagaqalernissaannik ikiuinissamik ilorraallu tungaanut aallartinnissaannik siunertalik, matuneqangajassimavoq Kommuneqarfik Sermersuup januaarimi meeqqanut inuusuttunullu sammisaqarfissani akuersissutigimmagit.