Narsaq
Assit takukkit: Inuilimi utoqqarnut kaagiliortitsineq
Inuusutissanut ilinniarfik ukiormanna aamma Narsap innuttaasuini utoqqartat juullerpaluttunik kaagiliortinneqarnissaannut, kingornalu nereqatigiinnissaannut qaaqqusivoq, tamanna utoqqarnik nuannaartitsivoq
Ukiut siulii assigalugit, illoqarfiup utoqqartaasa ilaat tallimanngornermi ullaap tungaani juullerpaluttunik kaagiliornissaminnut inuussutissanut ilinniarfiup iffiorfianut qaaqqutneqarput, kingornalu neriniartarfimmi nereqatigiittoqarpoq.
Ilinniarfiup atuartuisa utoqqaat illuanni najugaqartut aaqqissuussamut peqataarusunnersut aperisimavaat, utoqqaallu qulit neqeroorummut akuersipput.
Iffiorneq
Iffiorfik peqataasunik ikiortaannillu ulikkaaqqavoq, minnerunngitsumillu ilinniarfiup ilinniartui pulaartunut ikiuunniarlutik arpasukaaginnangajapput.
Kaageeraliornerup konfektiliornerullu kingorna, ilinniartut ilinniarfiup neriniartarfiani juullerpaluttumik piareersaasimapput, tassani savaaqqat naatsiiallu nunatsinneersut nerisassiarineqarsimapput.
Kinguleqqat kaffilu
Nerereernerup kingorna issortitamik kinguleqqiutituupput, kingornalu kaffisuullutik.
Naggataagut utoqqaat kaageeraliaat ilinniartut puussianut ikiorarpaat, taakku nerineranni iffiorfimmi uunneqarsimapput.
Utoqqaat illuanni najugaqartut soqutiginnittorujussuunerarput, ullorlu nuannerluinnarnerarlugu.
Ilinniarfiullu ilinniartui aaqqissuisuusut aamma taamatut nuannisarput.
Uani ataani assit takukkit