Skip to main content

Assit takukkit: Inimit attartortup sermeq sinittarfimmi tupaatigigaa

Qasigiannguani inissianik attartortut ilaata sinittarfimmi iigaq sermersimasoq tupaallaatigeqqavaa

Ini aqqutigalugu inissianik type 71-nik taaneqartartut ilaannik Qasigiannguani attartortoq Oline Markussen, ernermi qaliani sinittarfiani eqqiaanialerluni sisamanngornermi takusani tupaallaatigeqqavaa.

- Takusannut assut tupappunga. Tassami ernerma sinittarfiata teqeqqua pileriallarakku sermersimasoq, taama Oline Markussen oqaluttuarpoq. 

Imalu nangippoq:

- Asaaviga uunareeruttortoq asakkakku sermerluunniit aanngilaq.

Akissutinnaaq: Inissiat nillerput
Oline Markussen ilaqutaalu ukiuni kingullerni pingasuni maanna attartukkaminni najugaqarput. Taannalu oqaluttuarpoq arlaleriarluni Inimi viceværtimut saaffiginnittarsimagaluarluni oqaluttuaralugu qaliani ataanilu iggavimmi teqeqqut nillertorujussuusut.

- Akineqaannartarpungali ineqarfigut tamatta taamaattut, tassa nillertut, Oline Markussen oqaluttuarpoq.

Oline Markussenip ilanngullugu oqaluttuaraa Qasigiannguani Inip allaffianit kaammattorneqarnini naapertorlugu Inip qullersaqarfianut naammagittaalliorsimalluni.

- Inigisarput taama akisutigippat, sooq taama aserfallannikuutigissua? Akiminut naleqqutinngilluinnarpoq, Oline Markussen oqarpoq.

Oline Markussenip nassuiaanera naapertorlugu ini attartugaat marlunnik sinittarfilik, type 71-mik taaneqartartoq, qaammammut attartornera 4.336 koruuneqarpoq, kiassarnermulli aningaasartuutit ukiukkut qaammammut 2.223 koruuniniit 2.964 koruuninut nikerartartut.

Aaqqissuisoqarfimmit Ini oqaaseqartinniarlugu attavigaarput.

Assit allaaserisap ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER