Inatsisartut
Assit takukkit: Inatsisartut ingerlaaqatigiittut
Inatsisartut ataatsimiinneq nutaaq aallartikkaangassuk, naalagiarneq aamma oqalugiarnerit pisarput
Inatsisartut tallimanngornermi ukiaanerani ataatsimiinneq aallartikkamikku sullisilersoqqipput.
Ileqqut malillugit ulloq naalagiarnermik aallartinneqarpoq, kingornalu Inatsisartut ataatsimiittarfiannut ingerlaaqatigiittoqarpoq.
Atuaruk: Kielsen malunniuteqarnerusariaqarputit
Periuseq aalajangersimasoq
Ataatsimiinnermi siullermi periuseq aalajangersimasuuvoq: Tassani Naalakkersuisut siulittaasuata Kim Kielsenip ammaanermi oqalugiaataa pingaarnerpaasarpoq, taassuma saniatigut Inatsisartunut siulittaasumik taasisoqartarpoq, taamatullu politikerit upernaakkut ataatsimiinnissap ulluanut oqaaseqassapput, ataatsimiititaliallu inuttalersorneqartarput.
Ataasinngorpat ammaanersiorluni oqalugiaat oqaluuserineqassaaq.
Atuaruk: Ukiaanerani ataatsimiinnermi IA-mit siunnersuutit 28-t
Ingerlaaqatigiinnermit assit uani ataani takukkit