Skip to main content

Assit takukkit: Inatsisartut ataatsimiinneranni assit siulliit

Inatsisartut upernaanerani ataatsimiinnerat aallartippoq. Partii nutaaq issiatitaqalerpoq annertunerusumillu inatsisiliortoqartalernissaa kissaatigineqarluni

Inatsisartut upernaanerani katerinnerat aallartimmat illoqarfiit pingaarnersaat silaqqeqaaq. Nalunaaqutaq 13.00 Inatsisartunut ilaasortat Inatsisartut ataatsimiittarfiani naapipput ataatsimiinneq aallartinniarlugu. 

Inatsisartut oqaluttarfianni oqaluttarnerit ilaatigut sivisusinnaasarput, tamannalu Inatsisartoqarfimmit iliuuseqarfigineqaqquneqarpoq. 

Inatsisartut siulittaasuata Lars-Emil Johansenip neriuutiginikuuaa Inatsisartut angusaqarnerusassasut.

- Oqallinniaannarluta oqallittassanngilagut. Qanga landsrådip ataatsimiittarneri sivisuut oqaluttuaannanngorsimasariaqaraluarput, aviisimut Sermitsiamut oqarpoq. 

Naleraq eqqaamaneqarli
Lars-Emil Johansen ataatsimiinnerup ammarnerani peqataanngilaq Arctic Winter Gamesertuni Fairbanksimi Alaskamiinnini pissutigalugu. 

Siulittaasup tulliata Agathe Fontainip oqallinneq aquppaa, tassanilu oqallisigineqartussat saqqummiullugit. Neriuutigalugulu oqaatiginiarneqartut isumaqarpallaanngitsut amerlavallaannginnissaat. 

- Upernaanerani siunersuutigineqartut ilaat ukiaanerani ataatsimiinnermi oqallisigineqareerput. Inatsisartuni siulittaasoqarfiup piumasarinikuuaa ingerlaannaq taasissutigineqartassasut, pisariaqavissumik oqallisigineqaqqissanngippata, oqarpoq.

Meeqqat inuusuttuaqqallu immikkut pisariaqartitsisut pillugit siunersuut siullermeerlugu oqaluuserineqarpoq. 

Tassunga oqalliseqataasut ilagaat nutaamik partiilioqqammersoq Hans Enoksen. Taassuma Agathe Fontainimut maluginiaqquaa partii nutaaq taaneqarsimanngimmat: Partii Naleraq.

- Tamanna siunissami eqqaamassavara, Agathe Fontainip qungujuttalerlugu akivaa. 

Inatsisartunut ilaasortaajunnaaqqammersoq Jens B. Frederiksen ataatsimiinnermi akuullatsiarpoq, sivisunngitsorli qaangiuttoq taartissaminut Michael Rosingimut issiavik tunniullugu. 

Ataatsimiinnerit juunip tallimaata tungaanut ingerlanneqassapput, aatsaallu taama ataatsimiiffiit amerlatigissapput, tassa ullut 30-it. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER