Kunngissaq, kunngissap nulia qitornaallu ullup qeqqareeraa Narsarsuarmut tikipput. Ingerlannaq umiarsualiviliaanneqarput, tassanilu kunngikkormiut umiarsuaannut Dannebrogimut iklillutik. 

Kunngissap nulia Mary siullersaalluni biilinit niuvoq. Kunngissaq Frederik ernernini Christian aneqatigaa, prinsesse Isabella pissilluni anilluni. 

Marlulissat prins Vincent aamma prinsesse Josephine - imaluunniit Minik aamma Ivalo - ataataminnit ikiorneqarlutik biilinit anillutik. Ilaqutariit tikilluaqquneqarluarput. 

Aammalu amerlaasuut meeqqanut 'iggu'-mik oqartarput. Meeqqat arfineq pingasunik, arfineq marlunnik pingasunillu ukioqarput. 

Umiarsuarmut ikigamik prinsesse Isabella najuuttunut ilassinnippoq. Sivitsunngitsoq ilaqutariit umiarsuarmut iserput. Kunngissakkormiut Nunatsinni tikeraarnerat pisortatigoortumik tallimanngorpat aallartissaaq, siullermik Igalikumiissallutik. 

Assit ataani takukkit