Qaqortoq
Assit takukkit: Ikaartarfik nutaaliaq atoqqaarfissiorneqartoq
Qaqortumi ikaartarfitoqaq nutarterneqareerluni piareerpoq
Aasarimmi silaqqisseruttortoq ikaartarfik 'Ikaartarfik Alleq' Qaqortumi sisamanngornermi atoqqaarfissiortinneqarpoq.
Ikaartarfik 1959-imi sanaqqaarneqartoq iluarsaanneqarpoq, Nunatsinnilu ikaartarfiit glasfiberiusut siullersarilerpaat.
Borgmester Jørgen Wæver Johansenip (S) innuttaasut ikaartarfittaarnerinik pilluaqquai, ikaartarfik taanna sanasunit Qaqortumiunit immikkullu kiisalu immikkut ilinniarsimasunit Danmarkimeersunit sananeqarpoq.
Illoqarfimmi katersuuffik
Ikaartarfik ineriigaalluni katitigassaanaavoq danskit suliffeqarfiutaannit Europamut tamarmut ikaartarfinnik glasfiberiusunik tuniniaasartumit pisiaalluni, kommuni tusagassiuutinut nalunaarummi allappoq.
Ikaartarfik glasfiberiusoq nutaaq 60 tonsinut akuerisaavoq - tassa pisoqqamiit 20-eriaammik.
Ikaartarfik Alleq Qaqormiinut katersuuffiujuarsimavoq, ilaatigut meeqqat, inuusuttut inersimasullu nallukkumatuut nalluffigisarpaat kiisalu illoqarfiup immikkoortuinik marlunnik attaviliisuulluni.
Qaqortoq pillugu allaaserisat uani atuakkit
Uani ataani assit takukkit