timersorneq
Assit takukkit: Freestyle ski-mi snowboardimilu DM-eqarnerani kalaallit medalje-nattut
Tallimanngormat ualikkut freestyle ski-mi snowboardimilu DM Big Airimi ingerlanneqarmat kalaallit katillugit tallimanik medalje-napput
Tallimanngormat ualikkut Norgemi Ringkollen-parkenimi Big Airimi DM ingerlanneqarpoq. Tassani kalaallit ski- aamma snowboardklubbimit Snowball-imeersut katillugit tallimanik medalje-napput.
Pingaartumik inuusuttut piginnaasaqarluarnertik takutippaat.
Inuusuttuni Meino Pedersen ski-mi ajugaavoq, Julius Sørensenilu normu 2-ngorluni.Snowboardimi 15-inik ukiulik Henreik Møller inuusuttuni kuultinnappoq
Nunatsinni pissartap sølvi annaavaa
Nunatsinni Danmarkimilu pissartaq Jonas Strømsted ajugaasussatut ilimagineqartut ilagisimagaluarpaat, taannali 21-nik ukiulimmit Rasmus Brøggerimit, ulloq taanna unammilluarnerusumit, ajorsartinneqarpoq.
Kingorna unammissutit pingaarnersaat Slopestyle ingerlanneqarpoq, tassanilu unammisartuvut medalje-nanniaqqittussaapput.
Tassanissaaq Jonas Strømsted angutini snowboardimik unamminermi ilimagineqarnerpaat ilagaat, Meino Pedersenilu inuusuttuaqqani ilimagineqarnersaalluni.
Freestyle ski-mik snowboardimillu DM, Norgemi Ringkollen-parkimi qallunaanit pigineqartumi, sap. ak. 14-imi ingerlanneqarpoq.
Ataani DM-imit assit pingasut