Skip to main content

Assit takukkit: Dronningikkut pisortatigoortumik tikilluaqquneqarnerat

Kunngikkormiut Upernavimmi Prinsesse Margrethep Atuarfia, dronningimit ukiut 55-it matuma siorna - taamani kronprinsessetut - atoqqaartinneqartoq, pulaarpaat

Dronningikkut Upernavimmilu innuttaasut ullut sapaatip-akunnerisalu siuliinut sanilliullugu sapaammi ullaakkut qulisimagaa anorlilaakujuttorlu iterput. Ullaaq manna Upernavimmiut tamarmik tikeraanut kunngikkormiunut pisortatigoortumik tikilluaqqusinissaannut.

Kommunalbestyrelsimut Inatsisartunullu ilaasortaq Jens Immanuelsen, Siumut, kommunalbestyrelsi sinnerlugu sapaammi ullaap-tungaani Dannebrogip saavani tikilluaqqusivoq, ilaatigut Naalakkersuisut siulittaasuat Kim Kielsen, kommunip allaffiani aqutsisut, naalagaaffiup sinniisua Mikaela Engell, Naalakkersuisut Siulittaasuata Naalakkersuisoqarfiani pisortaq Søren Hald Møller peqatigalugit.

Illoqarfimmi apersortittoqarnera ullaakkullu nalunaaqutaq arfineq-pingasuniit naalagiartoqarnera pissutigigunarlugit umiarsualivimmi inuppassuaqanngilaq.

Pauline Kleemann sisamanik ukiulik dronningimut naasunik, nammineq katerseqataaffigisaminik, angajoqqaani peqatigalugit tunissuteqarpoq, qamutilittartoqarluni, erinarsoqatigiit erinarsorlutik dronningikkullu qulingiluariarluni hurraarutigineqarlutik.

Dronningip prinsillu tamatuma kingorna Prinsesse Margrethe Atuarfia, dronningip 1960-imi atoqqaartitaa, pulaartussaavaat. Atoqqaartitsineq ukiut 55-it matuma siorna juulip 12-ani 1960-imi ulloq manna eqqoqqissaarlugu pisimavoq.

- Dronningip ullumikkorpiaq pisortatigoortumik Upernavimmut tikittussaanera pisut tupinnalaartut ilagigunarpaat, ukiut 55-eqqissaat matuma siorna juulip 12-ani dronningip Prinsesse Margrethep Atuarfia atoqqaartimmagu. Tamanna eqqarsaatigalugu tupinnalaarpoq, Jens Immanuelsen oqarpoq.

Dronningikkut malittaalu atuarfimmut takuniaasinneqarput. Atuarfiup pisoqartaani aallartipput, nutaartaanilu assinik aamma takutitsiviusumi naggasiillutik.

Dronningikkut Illu Sammisassaqartitsivimmi nereqatigeereerunik illoqarfiup katersugaasivia, dronningip angajoqqaani qatanngutinilu peqatigalugit 1960-imi tikeraarneranit assilisanik aamma isiginnaarfigisassaat, pulaassavaat.

Dronningikkut nunatsinniinnerannit allaaserisat assilisallu arlaqarnerusut maani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER