OL

Assit takukkit: Dorisip OL-eqataasussat naapippai

Naalakkersuisoq Doris J. Jensenip kalaallit OL-imi peqataasussat Martin Møller ujakkaartartoq Laila Friis-Sallingilu freestylerluni sisorartartoq OL 2018-imi Korea Kujallermi Gangneungimi ingerlanneqarnerani arfininngormat ataatsimeeqatigai.

Doris hilser på deltagere fra Grønland.
Sydkoreas minister for Kultur, Sport og Turisme DO Jong Whan byder Doris J. Jensen velkommen.
Fra venstre Martin Møllers træner Lasse Mølgaard, Danmarks Ambassadør i Sydkorea Thomas Lehmann, langrendsløber Martin Møller, Anna Harboe formand for Danmarks Skiforbund, Freestyle Skiløber Laila Friis-Salling og hendes træner Bent Friis-Salling.
Ministre for Kultur og Sport fra forskellige lande.
Fra venstre Martin Møllers træner Lasse Mølgaard, Danmarks Ambassadør i Sydkorea Thomas Lehmann, langrendsløber Martin Møller, Anna Harboe formand for Danmarks Skiforbund, Freestyle Skiløber Laila Friis-Salling og hendes træner Bent Friis-Salling. SelvstyretMinistre for Kultur og Sport fra forskellige lande. SelvstyretDoris hilser på deltagere fra Grønland. SelvstyretSydkoreas minister for Kultur, Sport og Turisme DO Jong Whan byder Doris J. Jensen velkommen. SelvstyretFra venstre Martin Møllers træner Lasse Mølgaard, Danmarks Ambassadør i Sydkorea Thomas Lehmann, langrendsløber Martin Møller, Anna Harboe formand for Danmarks Skiforbund, Freestyle Skiløber Laila Friis-Salling og hendes træner Bent Friis-Salling. SelvstyretMinistre for Kultur og Sport fra forskellige lande. SelvstyretDoris hilser på deltagere fra Grønland. SelvstyretSydkoreas minister for Kultur, Sport og Turisme DO Jong Whan byder Doris J. Jensen velkommen. Selvstyret

Ilinniartitaanermut naalakkersuisup Doris J. Jensenip (S) Koreamut Kujallermut angalanini naammasseqqammerpaa. OL-eqataasussat, aaqqissuisut Koreamilu Kujallermi ministerit naapippai.

Namminersortutik Oqartussat tusagassiutinut allapput.

Maligassiusut
- Maani PyeongChangimi tapersersorsinnaagassi assut nuannaarpunga tulluusimaarlungalu. Kalaallit Nunaanni meerarpassuarnut inuusuttorpassuarnullu sinniisuulluarlusilu maligassiuivusi. Sukataarnissi kingunerisaanik OL-imi peqataavusi, ilaatigut taamatut Doris J. Jensen OL-imi peqataasunut kalaallinut oqarpoq.

Danmarkip ambassadøria Korea Kujallermiittoq Thomas Lehmann aammalu Danmarkimi sisorartartut kattuffianni siulittaasoq Anna Harboe ataatsimiinnermi ilaapput.

9. februar PyeongChangimi OL-imi unammersuarfimmi nunat 91-it pikkorivissut timersortartut sungiusaasuilu ilaatigut Korea Kujallermi præsidentimit nersorneqarneranni, nunat 20-t sinnerlugit timersornermut/kultureqarnermut ministerit, pisortatigut najuuttut kiisalu unammersuarfimmi tuusintilippassuit isiginnaartut najuunneranni ukiuunerani OL-imi danskit peqataasut tapersersorlugit Doris J. Jensenip najuunneranut Thomas Lehmannip ammaanersiornermi qutsavigaa.

Doris J. Jensenip najuunnera kalaallinut pikkorivissunut timersortartunut danskinullu OL-imi peqataasunut assut pingaaruteqartoq ambassadørip Thomas Lehmannip erseqqissaatigaa.

Kalaallit kulturiat Korea Kujallermi 2019-imi
Danmark Korealu 2019-imi ataatsimut kulturisiortussaasut eqqumiitsuliat saqqummersitallu Kalaallit Nunaanneersut ilanngunneqarumaarneri ambassadørip Thomas Lehmannip ilanngullugit ilisimatitsissutigai.

Kalaallit eqqumiitsuliortut Korea Kujallermukartinnissaat pillugu Doris J. Jensen akuersaarpoq.

- Periarfissaq tamanna atorluartariaqarparput. Eqqumiitsuliortortavut nunani allani nittarsaattariaqarpagut. Eqqumiitsuliortuinnarnuinnaq iluaqutaanavianngilaq. Eqqumiitsuliornermut tunngassuteqartut tamarmik nunani allani ilanngunneqarnerisigut eqqumiitsuliortut periarfissagissaarnerulissapput aammalu nunarput pillugu soqutiginninneq ilisimasaqarnerlu annerulissapput, Naalakkersuisoq isumaqarpoq.

Dorisip kulturimut ministerimut ilassinninnera
Kultureqarnermut, Timersornermut Takornariaqarnermullu ministerip DO Jong-whanip pisortatigoortumik ilasseqatiginninnerani Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq qaaqquneqarpoq. Matumani Naalakkersuisup naalakkersuisoqatini allat naapippai aammalu naalakkersuisunit soqutiginninneq annertooq nuannaarutigalugu. Ministerit arlallit ilaatigullu ministerertaaq Kalaallit Nunaanni timersorneq pillugu politikkimut soqutiginnipput.

- Islandimi ilinniartitaanermut, kultureqarnermut ilisimatusarnermullu ministerertaap Lilja D. Alfredsdottirip kingusinnerusukkut naapinnissaanut neriorsorpara. Suleqatigiinnissamut periarfissat eqqartornerussavagut, Doris J. Jensen oqarpoq.

Assit ataani takukkit

Powered by Labrador CMS