Skip to main content

Assit takukkit: Brugseni Børne Cup U-10-mi tupaallatsitsillutik ajugaasut

Børne cup 2016-imi GSS U10 kuultinnapput, finalimi tupaallatsitsillutik NÛK 10 ajugaaffigigamikku

Ukioq manna meeqqat unammiuaarneranni, Brugseni Børne Cup U-10-mi, meeqqat nuannaartut qungujulasullu piinsikkunni seqinnarissuaq unammillugu illup iluani unammiuaarput.

Unammiuaarneq aaqqissuunneqarpoq GSS-ip assammik arsartartunut immikkoortoqarfianit, unammiuaarnerlu sapaatiummat naammassineqarpoq, niviarsiaqqat nukappiaqqallu brønzenanniullutillu kuultinnanniunnerannik.

SAK I SAK II-lu unammipput

Niviarsiaqqani U10-ni unamminermi siullermi SAK I aamma SAK II bronzenanniupput, unamminerlu 2-2-mik inerneqarpoq.

Taamaasilluni 2 x 5 minutsit unammeqqittussangorput, tassanilu SAK I bronzenapput 3 - 2-mik ajugaallutik. SAK II normu 4-ranngorpoq.

Nukappiaqqat bronzenanniunnerat

Nukappiaqqani U10-ni bronzenanniupput GSS aamma SAK, taassanilu GSS ajugaallualaavippoq. GSS 14 - 3-mik ajugaavoq taamaasilluni nukappiaqqani U10-ni bronzennallutik.

U8-t miviarsiaqqat/nukappiaqqat GSS-meersut NÛK-meersullu akuleriillutik takutitsillutik unammineranni GSS 5 - 1-imik ajugaavoq.

Niviarsiaqqat finalernerat

Niviarsiaqqani NÛK U10-p aamma GSS U10-p unammineranni NÛK ajugaasussatut ilimagineqarsimavoq, illoqarfimmi pissartanngorniunnermi U10-ni GSS-ip NÛK sæsoni tamaat ajugaaffigisimanngimmagu.

Taamatulli pisoqanngilaq. GSS immikkoortumi siullermi unamminermut iserniarsarivoq muminnermilu 1 - 4-mik kinguarsimalluni. Unamminerup immikkoortuata aappaani unammineq allanngorluinnarpoq, Malu Steenholdt Petersenilu tulleriisiinnarlugit sisamanik isertitsivoq unamminerlu mumisillugu. Taamaasilluni Børne Cup 2016-imi GSS U10 ajugaapput kuultinnallutillu.

Nukappiaqqat finalernerat

Brugseni Børne Cup 2016-imi unamminermi kingullermi NÛK S-68-ilu finalimi unammipput. Unamminerup immikkoortuani siullermi aappaatalu aallartinnerani unammineq pissanganarpoq, teaavali NÛK siuariartorpoq 7 - 4-millu ajugaallutik kuultinnapput.

Assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER