Assit takukkit: Brugseni Børne Cup 2016-imi NÛK SAK-lu siuarput

Niviarsiaqqat nukappiaqqallu U-12-it Nuummi unammiuaarnerat Brugseni Børne Cup 2016 aallarteruttorpoq.

NÛK SAK-lu siuarput

Niviarsiaqqani klubbinit peqataasunit sisamanit pingaartumik holdit marluk malunnaateqarput.

NÛK SAK-lu unamminerminni siullerni marlunni ajugaallataavittarput - arfininngornermilu puljemi unamminermi kingullermi imminnut unammissapput.

GSS aamma Aqigssiaq unamminerminni siullenri marlunni ajorsarput, arfininngornermilu imminnut unammissallutik.

Unammissat pissanganartut

Nukappiaqqani pissanganarpoq kikkut finalimut anngutissanersut.

Nagdlúnguaq GSS-ilu tamarmik sisamanik pointeqarput, SAK-lu NÛK-lu kingulliulaarlutik tamarmik marlunnik pointeqartut.

Arfininngornermi unamminermi angusat apeqqutaallutik holdit pingasut assigiimmik pointeqalersinnaapput, taamaattumillu arfininngornermi unamminerni kingullerni aaqqissuussisut naatsorsueqqissaassapput.

Inussivik

Unammiuaarnerit Multihalimi Inussivimmi ingerlanneqarput, GSS-illu assammik arsartartunut immikkoortoqarfia unammiuaarnernik aaqqissuussisuuvoq.

Tallimanngornermi angusat:
Nukappiaqqat: Nagdlúngaq - NÛK 12-5 (5d-3)
Niviarsiaqqat: GSS - NÛK 6-16 (3-8)
Nukappiaqqat: SAK - GSS 11-15 (4-7)
Niviarsiaqqat: Aqigssiaq - SAK 4-20 (0-9)
Nukappiaqqat: NÛK - S-68 13-12 (6-8)

Arfininngornermi unamminissat
Nalunaaqutaq 13.00: Nukappiaqqat S-68 - SAK
Nalunaaqutaq 13.45: Niviarsiaqqat SAK - NÛK
Nalunaaqutaq 14.30: Nukappiaqqat Nagdlúngaq - SAK
Nalunaaqutaq 15.15: Niviarsiaqqat Aqigssiaq - GSS
Nalunaaqutaq 16.00: Nukappiaqaat NÛK - GSS
Nalunaaqutaq 16.45: Nukappiaqqat Nagdlúnguaq S-68

Assit ataani talerpia´tungaanilu holdit inissisimanerat takukkit