Skip to main content

Assit takukkit: Atuarfik nutartigaq Sisimiuni atoqqaarfissiortinneqarpoq

Sisimiuni atuarfittaaq naammassivilluni atoqqaartinneqarpoq

Atuarfittaaq, klassinut 24-inut inissaqartoq, 14-inik ataatsimuualaartarfeqartoq, ininut  qulingiluanut faginut ilinniarfinnut periarfissalik, eqaarsaartarfilik kiisalu atuakkanik atorniartarfilik, tallimanngornermi atoqqaarfissiortinneqarpoq.

Atuarfiup suliarineqarnerani atuartut 407-t inimiit inimut allamut nuuttaqattaartareerlutik maanna eqqissillutik atuarsinnaalerput, ilinniartitsisullu 45-t pisortallu marluk ilinniartitsinissaminnut inissaqarlualerput. 

Qeqqata Kommuniani ilinniartitaanermut kulturimut sunngiffimmullu ataatsimiititaliap siulittaasuata, Siumumeersup Evelyn Frederiksenip, atuarfik pisortatigoortumik atoqqaartillugu suaarutigaa tallimanngorneq nalunaaqutaq qulinut. 

- Atuarfik ukiut 67-it qaangiupput siullermik sananeqarmat. Ukioq 2012-imiit maanna 2015 aallartereersimalernerani atuarfik nutaarsuaq naammassivinneqarpoq, Qeqqata Kommunia allappoq. 

Nivi Olseni qalersamik aappaluttumik qiorsisuuvoq
Atuarfiup pisortaa Nivi Heilmann Efraimsen oqalugiareermat ilinniartitaanermut naalakkersuisoq, Demokraatineersoq Nivi Olsen qalersamik aappaluttumik qiorsisuuvoq, atuartunullu siunnersuilluni atuarfik kusanaqisoq paarilluarumaaraat. 

Atuartut ilinniartitsisut peqataasullu allat atuarfiup silataanukariarlutik seqinnarilluni qaammaarikkaluaqisoq qummoroortartorput, qaartarneri qaarpaluttarnerilu nippaarittut tusaaneqarsinnaallutillu takuneqarsinnaapput. 

Kaffi tii kaaginillu najuuttunut sassaalliisoqarpoq, assigiinngitsunillu meeqqat namminneq aaqqissugaannik aliikkusersuinepassuaqarluni.

Assit allaaserisap ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER