Arctic Circle Race
Assit takukkit: Arctic Winter Games Sisimiuni misilittakkanik katersisoq
AWG-mik aaqqissuisut Arctic Circle Racemit ulluni makkunani Sisimiuni ingerlanneqartumit misilittakkanik katersipput
Arctic Winter Games 2016-imik aaqqissuisut arlallit Sisimiuni Arctic Circle Racemi sapaatip-akunnerata naanerani matumani nammineq kajumissutsiminnik suleqataapput.
Nammineq kajumissutsimik suleqataaneq Arctic Winter Gamesip Nuummi aappaagu ingerlanneqarnissaanut atatillugu piareersaatitut ingerlanneqarpoq. AWG tusagassiorfinnut nalunaarummi taama allappoq.
General Manager Maliina Abelsen 100 kilometerimut sisoraatinik oqilaniuteqataavoq.
- Misigissuseq nuannerluinnarpoq, aamma nammineq kajumissutsiminnik suleqataasut suut tamaasa iluatsinniarlugit piumassuseqarluarlutik sulinerat malinnaaffigalugu pissanganarpoq, Maliina Abelsen oqarpoq.
AWG2016-ip allattoqarfianeersut marlunngornerup tungaanut Sisimiuniissapput.
Assit allaaserisap ataaniittut takukkit