Skip to main content

Assit takukkit: Angutit assammik arsartartut Inuiattut Ullorsiornermi pilluaqqusipput

Uruguay-mut sivisuumik angalareerlutik angutit assammik arsarluni nunanut allanut unammisartut naggataamik sungiusarput

Angutit assammik arsarlutik Amerikap Nunavissuani pissartanngorniunnerat ataasinngorpat aallartissaaq, kalaallillu Argentinamut unammeqqaarnerminni ajornakusuussapput.
Nunanut allanut unammisartut tallimanngormat Montevideo-mut tikipput. Ullumi arfininngornermi marloriarlutik sungiusaqatigiissapput. Aamma aqagu sapaammi, sungiusaasullu Niels Møllerip Ingi Olsenillu pilersaarutigaat ataasinngorpat ullaap tungaani, unammiuaarnerup aalalrtinnginnerani, sungiusalaassasut. Tassa unammisartut sapinngisamik imminnut ilisaritinniarlugit pitsaanerpaamik angusaqarnissaannut. Tassami unammisartut unammiartunnginnerminni ikittuinnariarlutik katersuuttarsimapput.

Najugarissaarput
Unammisartut Montevideo-mi Hotel Cottage-mi najugaqarput. Taanna Montevideo-mi pigissaarnerpaat najugaqarfianni immamut qanittunnguami inissisimavoq. Unammisartut sivisuumik angalareerlutik unnuakkut sinilluareerlutik qasuerluarsimapput sungiusaqqilernissaminnullu qilanaarlutik. Taama amerlatigaluni angalaqatigiinnermi tamatigut nuannaarutissaqartarpoq. Aamma assammik arsarnermut attuumassuteqanngikkaluanik. Soodrlu assersuutigalugu Andreas Lorentzen Nunatsinnit aallangajalerluni sanasutut allagartartaarsimavoq.
Ungasissorsuarmiikkaluarlutik soorunami inuiattut ullorsiorneq eqqarsaataanniipput, unammisartullu ilaquttaminnut, ikinngumminnut ilisarisimasaminnullu inuulluaqqusipput Inuiattut Ullorsiorluarnissamik kissaassillutik.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER