Københavnimi toqusoq
Assit takukkit: Angutip angerlarsimaffeqanngitsut toqunera pillugu ingerlaaqatigiinneq
Københavnimi inuit 200-t missaanniittut ingerlaaqatigiinneqarput pingasunngormat. Angut angerlarsimaffeqanngitsoq eqqaaniarlugu ingerlaaqatigiipput
Inuit 200-t missaanniittut eqqaaniaallutik naneruarlutik ingerlaaqatigiipput Københavnimi pingasunngormat. Angut 32-nik ukioqartoq angerlarsimaffeqanngitsup toqunera pissutaalluni ingerlaaqatigiipput. Amagerbro Stationip eqqaani angut toquvoq. Innuttaasup angut ikiorniarlugu ambulancenik pingasoriarluni siarngutigigaluarpaa.
Inuit Amager Centerip eqqaani Irmami naapipput, Amagerbro Stationip majuartarfiini ataatsimoorrallutik, angut tassani toquvoq ataasinngormat.
Tassanngaannit inuit Christiansborgimut ingerlaaqatigiipput, assingusumik pisoqaqqissanngitsoq piumasaraat.
Inuit Ataqatigiinnit folketingimut ilaasortaq Johan Lund Olsen aamma oqaaseqarpoq.
Ingerlaaqatigiinneq danskit aviisiliortuinit malinnaaffigineqarpoq.
Assit ataani takukkit