pilluaritsi

Assit takukkit: Akissarsitinneqartut tamarmik immikkut 50.000 koruuninnapput

Suliniutit assigiinngitsut marluk Kalaallit Nunaanni Brugsenimit akissarsitinenqarput

KNB-mi sulittaasoq Aalipaaraq Kreutzmann aamma Qeqqualerisunngorniat Illukumi suliaqartut akissarsitinneqartut - Stephen P. Andersen aamma Anthon Petersen - taakku Ikerasaarsummeersuupput Leiff JosefsenIkerasaarsummit Anthon Petersen - akissarsitinneqartup aappaa Leiff JosefsenNaalersitami suleqataasoq aamma KNB-mi siulittaasoq Aalipaaraq Kreutzmann Leiff JosefsenJacob Tindalid Naalersitameersuut sinnerlugit akissarsiaq tiguaa. Hans aamma Jonna Sivertsen Savalimmiuniinnertik pissutaalluni akissarsititsisoqarnerani peqataanngillat Leiff JosefsenHotel Hans Egedemi Nuummi tallimanngormat akissarsititsisoqarpoq Leiff JosefsenKNB-mi siulittaasoq Aalipaaraq Kreutzmann Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Redaktionen

tallimann 10. apr 2015 16:08

Annonse

Kalaallit Nunaanni Brugsenip, KNB-ip, ukiumut akissarsiaritittagaa 100.000 koruuninik naleqartoq, ukioq manna marlunnut tunniunneqarpoq.

Ukioq manna akissarsitinneqartut tassaapput Naalersitaq, Nuuk, aammalu Qeqqualerisunngorniat Illukumi, Ikerasaarsuk.

Akissarsisut immikkut tamarmik 50.000 kruuninik pissarsissapput.

- Ukioq manna akissarsisitsinissamut toqqaanermut aalajangerniarneq Kalaallit Nunaanni Brugsenip siulersuisuinut ajornakusoorsimaqaaq. Innersuussanik arlalinnik ajunngitsunik tigusaqarsimavugut, siulittaasoq Aalipaaraq Kreutzman oqarpoq.

- Ukioq manna akissarsisitsineq suliniutilinnut marlunnut tunniunneqarpoq taakkulu sulerusussutsimikkut Kalaallit Nunaanni isumassarsisitsillutillu maluginiarneqarsimapput, KNB-mi siulittaasoq Aalipaaraq Kreutzmann akissarsititsisoqarnerani tallimanngormat oqarpoq.

Akissarsitinneqartoq siulleq
Akissarsitinneqartoq siulleq tassaavoq aasarsiortarfik Naalersitaq.

Hans aamma Jonna Sivertsen allat ilagalugit aasarsiortarfik Naalersitaq Amerallup kangerluani pilersissimavaat. Aasat tamaasa meeqqat, inuusuttut ilaqutariillu aasarsiortarfimmukartarput taakaniinnerminnillu pinngortitap avatangiisillu ataqqinissaat ilinniartarpaat. Aasarsiortarfik nuannarineqarluarpoq ukiullu 40-t piusimalluni. Meeqqat inuusuttullu pinngortitap avatangiisillu paaqqutarinissaa ilinniartarpaat, taamaalillutimmi uumasut inuillu ukiorpassuarni suli nuannaarutaaqatigiissinnaagamik.

Akissarsitinneqartut aappaat tassaapput Qeqqualerisunngorniat Illukumi. Suliniut Ikerasaarsummit aallaaveqarpoq taassumallu qeqqussat tunisaanissaanut suliniuteqarneq ingerlataraa.

Akissarsitinneqartup aappaa
Ukiut kingulliit pingasut- sisamat qeqqussanik katersineq misilittaavigalugu ingerlanneqarluarsimavoq aasamullu qeqqussanut panersiinissamut poortuinissamullu atortussat tikissapput. Siunertaavoq qeqqussat Ikerasaarsummi Iginniarfimmilu panerserneqartassasut. Anthon Petersen aamma Stephen Paulli Andersen ukiuni kingullerni suliniutip iluatsinnissaanut suliuarsimapput.

- Kalaallit Nunaanni Brugsenip akissarsitinneqartut pilluaqquai. Annertuunik suliniutissinnik iluatsitsilluarnissassinnik kissaappassi, KNB-mi siulittaasoq Aalipaaraq Kreutzman nassuiaavoq.

Assit ataani takukkit