Skip to main content

Assit takukkit: Aasianni timersullammannik toqqaasoqarpoq

Ujakkaartartoq taekwondortartorlu Aasianni timersullammattut toqqaasoqarnerani toqqarneqarput

Taekwondortartoq Ole Kûitse Aasianni angutini timersullammattut toqqarneqarpoq. Ole Kûitse ukiut tallimat matuma siornatingut aatsaat taekwondortalersoq siuariartorluarsimanera pissutaalluni timersullammattut toqqarneqarpoq. 2014-imi unammersuarnermi misilitsikkami 2. dan-imik pissarsivoq.

Marlunngorneq 6. Januar Aasiaat Katersortarfiani 2014-ip ingerlanerani timersornikkut takutitsilluarsimasunut nersornaasiisoqarlunilu kajumissaasiisoqarpoq.

Hanne Kristiansen ASP-mi ujakkaartartoq arnani timersullammattut toqqarneqarpoq. Imalu tunngavilersuisoqarpoq:  

- Hanne ASP-mi ujakkaarnermi unammisartuuvutit piumassuseqarluartoq. Sungiusarumatuujuvutit angusaqarusussuseqartorlu. Ujakkaarnermi sungiusarluartarputit, soorlu aamma aputeqartinnangu nunakkut aqqusinikkullu arpannermi sungiusarluartartutit. KJ Cup-imi angusarissaarluarputit, nuna tamakkerlugu unammeqaternit angumasassaanngiivillutit kuultit tamakkerlugit pissarsiarivatit. 

2014-imi sungiusaallammattut toqqarneqarpoq: Andrie Sørensen, ASP.

Meeqqani 10-13-nik ukiulinni kajumissaaserneqarput: Nadia Jensen Nielsen, ASP aammaQunaajaraq Inûsugtoq, T-41.

Inuusuttuaqqani 14-19-nik ukiulinni kajumissaaserneqarput: Tippu Geisler Rafaelsen, Norsaq HC aamma Karl Brandt, Norsaq HC.

55-iniik qummut ukiulinni kajumissaaserneqarput: Karen Mina Clasen, ASP aamma Hans Egede Heskiassen, ASP.

2014-mi Timersullammattut toqqarneqarput: Hanne Kristiansen, ASP aammaOle Kûitse, ATK 92.

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER