Skip to main content

Assit siulliit: Kunngissakkut tikilluaqquneqarluartut

Kunngikkormiusut ataqqinassusullit Nuummut tikilluaqquneqarput

Naak sila atoruminarpallaanngikkaluartoq kunngissap ilaqutaalu Nuutoqqamut inuppassuarnit tikilluaqquneqarluarput. Kunngikkormiut umiarsuaannit Dannebrogimit nalunaaqutaq 09.45 niupput.

Kommuneqarfik Sermersuumi kommunalbestyrelsimit Naalakkersuisuniillu aamma tikilluaqquneqarput. Kunngissap ilaqutaalu kalaallisoorput. Prins Christian qaqortumik annoraaqarpoq, Isabella Tunumiut annoraavannik atorluni sapangaaqqanik tungujortunik, aappaluttunik qaqortunillu atugaqarluni. Prinsesse Josephine - aamma Ivalomik ateqartoq - qaqortunik kameqarluni prins Vincentilu  - aamma Minimmik ateqartoq - avanersuarmiusut nannup amianik qarleqarluni. 

Prins Christian takutitsilluartoq
Kunngissaq Frederik umiarsuarmit niummat inuppassuit nuannaarput. Kommuneqarfik Sermersuumi borgmesteri Asii Chemnitz Narup ilassivaa. Ilaqutaalu sinneri aamma malinnaallutik nioqataapput, inuppassuarnut ilassiorlutik. 

Borgmesteri sivikitsumik oqalugiarpoq tikeraartut tikilluaqqullugit. Oqalugiareermat inuppassuit najuuttut pingasoriarlutik hurrartorput. Marlulissalli qiialermata paarsisuminnit umiarsualiaanneqarput. 

Naalakkersuisut siulittaasuat Aleqa Hammond Inatsisartunilu siulittaasoq Lars-Emil Johansen ilassineqareermata ilaqutariit Nuutoqqakkut pisullutik ingerlaarput. Inuit naapitatik ilassiorpaat. 

Prins Christian ingerlaqatiminit siullersaalluni pisuppoq. Malunnarpoq misilittagaqalereersimasoq, inuit naapitani ilassiortarpai, prinsesse Isabella angajoqqaami eqqaanni pisoqataasoq. 

Kunngissaq ilaqutanilu kommunimut biilerunneqarput kusanartumut erfalasortalimmut. 

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER