Assit: Sisimiuni ilaqutariit Nakuusap katersorpai

Taseraliup silataani peqataasunut kaffi, tii, safti kaagillu inunnut qiimaqisunut sassaalliutigineqarput. Sisimiormiut periarfissinneqarput Meeqqat Isummersorfiat naapissallugu, paasisaqarlutillu meeqqat pisinnaatitaaffii pillugit, unamisitsinerni assigiinngitsuni peqataallutik, saqqummersitat ”Nunatsinni Meeraaneq” takuaat. Saqqummersitat tassaapput meeqqat nunatsinni illoqarfinni assigiinngitsuneersut taavalu Meeqqat Isummersorfiani ilaasortat illoqarfimminni/nunaqarfimminni assilisaat.

Aaqqissuussami Sisimiuni meeqqat periarfissinneqarput Europami meeqqat qimaasut ikiornissaannut. aningaasaliissutigineqarpoq, arpannermi Taseraliup tasia kaajallanneqassaaq. Aningaasat katillugit 22.000,00 kr. amerlatigisut katersorneqarput, taakkulu UNICEF-ip katersuiniarneranut ”Meeqqat qimaasut”nut aningaasat nakkartinneqassapput. Katersarineqartut Sisimiuni suliffeqarfinnit namminersortunit aningaasaliiffigineqarpoq.

Meeqqat Isummersorfiata saniatigut Qeqqata Kommuuniani borgmesteri Hermann Berthelsen oqalugiarpoq. Mala Høy Pinngortitamut, avatangiisinut inatsisinillu atuutsitsinermut naalakkersuisoq oqalugiarportaaq, ippassaammat Meeqqat isummersorfiat nerineranni naapisimaareerlugit oqalugiarfigereerlugillu.

Naggasiut
Taseralimmi pisoqartitsinissaq ullormik ataatsimik sioqqullugu Meeqqat Isummersorfiat assut pimoorussillutik FN-ip børnekomiteanut Genevemi Schweizimiittmi siunnersuutissanik allataqangaatsiarput.

Siunnersuutissatut qulequtsiunneqarput; perorsaaneq, atuarneq/ilinniarneq, kinaassuseq, atornerluineq, imminortarneq, peqqinneq kiisalu paasissutissat meeqqanut inuusuttunullu inatsisit tulluarsakkat ujartorneqarputtaaq.
Naggasiussaq massakkut NAKUUSAmut tunniunneqarpoq, NAKUUSAllu isumagissavaa meerartatta oqariartuutaata FN børnekomiteannut Genevemiittumut apuunneqarnissaa.

NAKUUSAmi Meeqqat Isummersorfiat Sisimiuniit illoqarfimminnut nunaqarfimminnullu siammaseqisunut angerlakaapput.
Assilissat namminneq oqaluttuartiinnassavagut.

Assit ataani takukkit