Saqqummersitsineq
Assit: Saqqummersitsinerup annertuup nassuiaruminaatsut sammivai
Katuaq kalaallit-mexicomiut eqqumiitsuliaannik saqqummersitsivoq
Mexico aamma Kalaallit Nunaat assigiissuteqarpallaanngillat. Kisianni pisunut nassuiaruminaatsunut tunngatillugu upperisaqarnermut assigiissuteqarput.
Inuunermut ilaasoq
Qangarsuummalli nunani pineqartuni nunap inoqqaavisa eqqumiitsut avatangiisiminnut inuunermullu ilaalluinnarnerat upperisarisimavaat sulilumi akunnitsinni tamanna takussaalluni.
Tamannalu ataatsimoorussaq Katuami saqqummersitsinermut 'Upperisapalaaq imaluunniit angakkuarneq?' isumassarsititsivoq, sisamanngornermi taanna ammarneqarpoq.
Eqqumiitsuliortut arfineq-marluk
Kalaallit Nunaannit eqqumiitsuliortut peqataasussat makkuupput: : Lisbeth Karline Poulsen, Maria Panínguak Kjærulff aamma Lars Rosing. Mexicomiillu eqqumiitsuliortut peqataasussat makkuullutik: Taka Fernandez, Carlos Cons, Adrian R. Perdomo aamma ataani atsiortuullunganga pilersaarusiortuusunga, Rama King Nash (Danmark/Mexico).
Saqqummersitsinermit assit allaaserisap ataani takukkit