Skip to main content

Assit: RAL-ip umiarsuassaa singinneqarpoq

Royal Arctic Linep umiarsuassaa naatsorsuutit naapertorlugit ingerlasoqassappat ukiaru atorneqalissaaq. Umiarsuit tallimat Polenimi maannakkut sananeqarput

Royal Arctic Line sinersortaatissaa Jonathan Arctica singinneqarmat qanngorpallarujussuarpoq. Polenimimi Gdanskimi immamut singinneqarpoq, tamannalu malunnartinneqarpoq. 

Ukiuni marlunngulersuni umiarsuaq Polenermiunit suliarineqarpoq. Royal Arctic Linemi atorfeqartunit sanaartorneq malinnaaffigilluarneqarpoq. Umiarsuit tallimat suliarineqarneri 750 million koruuningajannik akeqarpoq. 

Umiarsuaq anginerpaaq allanit sanilliullugu angineruvoq, suliarineralu pisariunerulluni. Amutsivigineqartoq nunarsuarmi amutsivinni anginersaat ilaanniippoq.

- Containerinik usilerluni umiarsualiarineqartartuni umiarsuassarput sanasaanni anginersaajuvoq. Umiarsuaq Issittumiinnissaanut naleqqussarluarneqarpoq, RAL-imit Jens Boye oqarpoq. 

Pilersaarutit malillugit umiarsuit siulliit ukiaru Nunatsinnukaanneqassapput. 

Royal Arctic Linep umiarsuassai pillugit annertunerusumik aviisimi AG-mi sapaatip akunnerata tulliani saqqummertussami atuarneqarsinnaassapput

Assit ataani takukkit

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER