Skip to main content

Assit: Qaqortumi timersortartut inuusuttuaqqat timersullammattut toqqarneqartut

Toqqarneqartut 15-nik ukioqarput

Kommuni Kujalliup juullimut Qaqortup Timersortarfiani pikialaartitsinerani timersullammannik toqqaasoqarpoq. 

Qaqortumi angutini timersullammattut toqqarneqarpoq 15-iinnarnik ukiulik qajartortartoq Angutivik Jessen. Qaannamik GM-ertoqarnerani angusarissaaqattaarnini pissutigalugu timersullammattut toqqarneqarpoq. 

Arnani timersullammattut toqqarneqarpoq taekwondoertartoq aamma 15-nik ukiulik Laura Ingemann. Taekwondomi GM-ertoqarnerani stormesterinngorpoq. 

Aqutsisuulluartutut toqqarneqartoq
Taekwondortartunit ilisimaneqarluartoq Karl Larsen aqutsisuulluartutut toqqarneqarpoq. 

Nerrivimmi arsaarartartut peqatigiiffianni siulittaasoq Henrik Ottosen nerrivimmi arsaararnermi GM-ertoqarnerani angusarissaartitsisimanera pillugu aamma nersorneqarpoq. 

Gedion Schmidt Qaqortumi nipilersornikkut aallussilluarnera pissutaalluni aamma nersorneqarpoq. 

Nunatsinni pissartanngorsimasut aamma diplominnatsinneqarput. 

Qaqortup Timersortarfiani juullerpalaartitsisoqarpoq. Meeqqat orpik kaavippaat, Sankta Luciartoqarpoq, Saqqaarsik aamma Vilhelm Lynge tussiarput, kiisalu juullerpalaartunik tusarnaartitsisuupput Uno Elisasen, Mike-Erik Brandt, Juliane Brandt, Angaju Abelsen aamma Gedion Schmidt.

Poul Hardip assilisarpassui ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER