tusarnaartitsineq
Assit: Paddy Kelly Nuummukalerpoq
Kelly Familykkunni peqataasarsimasoq Nuummukassaaq erinnat nutaat pisoqqallu tusartissallugit
’Sometimes I wish I was an angel’.
Erinarsuutip ’An angel’ip uteqattaarfia taanna nunarsuaq tamakkerlugu ilisimaneqarpoq. Maannalu Paddy Kelly erinarsuummik ’An angel’-mik sanasuusoq Nuummukartussanngorpoq Nunattalu kulturikkut illorsuani septemberip 11-at tusarnaartitsissalluni.
Katuami tusarnaartitsinissaq sakkortusaasersugaanngitsumik pissaaq qulequtaqarluni ’Solo & Unplugged’ tassanilu Paddy Kelly kisimiilluni tusarnaartitsissaaq.
- Ilaannikkut tusarnaartitsisarfimmiittarnissara pisariaqartippara qanorluunniit suliassaqartigigaluaraangama, Paddy Kelly nalunaarpoq.
Mattuttunngorpoq
Taanna nipilersortarfeeqqani Polenimi, Irlandimi, Tuluit Nunaanni, Østrigimi, Schweizimi, Tysklandimi, Danmarkimi Hollandimilu tusarnaartitseqattaarsimavoq. Maannalu Nuummukartussanngorpoq septemberip 11-at tusarnaatitsissalluni.
Paddy Kelly Kelly Familykkunni peqataajunnaarpoq 2004-mi teologimut ilinnialerami tassungalu atatillugu mattuttuniilerniarluni aalangerami, taamaakkaluartoq nipilersorneq ingerlattuaannarpaa.
- Kinaluunniit tusarnaariaq rockinik nikuitsitsisartunik taavalu eqqissisimasunik qamannga pisumik anersaakkut ittunik, mattuttutut inuugallarami nipilersuutit sanaavinut angalanermut peqataassaaq, Katuamiit nalunaarput.
Tusarnaartitsinermi erinarsuutit nutaat pisoqasaalluni Katuami appisimaarniarpai ilimanarsinnaalluarporlu ’An angel’ip inuttaata erinarsuut Nunatsinni tusarnaartunut tusartikkumaaraa.
Paddy Kellyp assigi ataani takusinnaavatit