Skip to main content

Assit: Orpik nappaqqippaat

Juullerpalaarluavippoq Nuummi illoqarfiup orpia sapaassuit aallaqqaataanni ikinneqarmat

Nuummi illoqarfiup orpia illoqarfiup qeqqani kusanaqutaalluarpoq naak tallimanngormat anorersuarmit uppisitaagaluarsimalluni. Ajoquserpiarsimanngimmalli nappaqqinneqarluni sapaammi ualikkut nalunaaqutaq sisamanut ikinneqarpoq.

Atuaruk: Anorersuup orpik uppisippaa

Qatserisartut qamussui nippariasaarput Nuummi Ukaliusap atuarfiata USKip silataani, sunaaffaa juullip inua ikiortaalu qatserisartut biilersuinut ilaalluni apuukkaluttualersoq. Qatserisartut majuartaassuannut sky liftimut juullip inua ikeriarluni orpiup nuuata killerpiannguanut pimmat 10-miit ammut kisitsisoqarpoq orpillu ikimmat ersaartaanneqarluni.

Arsiffimmi sumiiffinni arlanni nappartat iluini ikumatitaliortoqarsimavoq aammalu tuniniaaviit arlallit inissinneqarsimapput æbleskivet allallu mamartut tuniniarneqarlutik.

Kommuneqarfik Sermersuumi borgmesteri Asii Chemnitz Narup Inuit Ataqatigiinneersoq oqaaseqareermat ’Qaammarpoq nuna’ tussiarneqarpoq.

Sila juullerpalaatitseqataalluarpoq nittaalluni anoreqarpiarani. Maannalu tassa orpik ikissimanerpoq Kunngit pingasut ulluani unnukkut qaminneqarumaarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER