Assit: Nipilersornermik ilinniarfimmiut Katuami takutitsilluaqisut

Nuummi Nipilersornermik Ilinniarfik USK-imi atuartut nipilersortartullu arlallit avataaneersut peqatigalugit arfininngormat ualikkut Katuap paarlersuani nuannivissumik tusarnaartitsipput.
Tusarnaartitsineq aallartinneqarpoq nipilersornermik ilinniarfimmi ilinniartunik imminnut bucketband-imik taasunik. Taakkua tassaapput inuusuttut arlallit spandimi rytmisk musik-imik nipilersortut, allaanngilarlu illoqarfimmi karneval-ertoqartoq. Ingerlaaqatigiit Katuamiit Nuup illoqarfiata qeqqanukarput Katuamullu uteqqillutik, tassani tusarnaartisinivik aallartinneqarluni.
Aallaqqaammut nipilersornermik ilinniarfiup erinarsoqatigiivisa Kalaallit Nunaanni inuiattut erinarsuut ´Nunarput utoqqarsuanngoravit´ atorpaat. Kusanaqaaq persuarsiorpasillunilu, tamannalu peqatigalugu erinarsoqatigiit inuiattut ullorsiornissamut piareersaatigalugu.

Tusarnaartitsineq nuannersoq kusanartorlu
Tusarnaartitsinermi arlallit kisimiillutik sassartarput, ilaatigut Pele Møller erninilu Glenn Møller marlussunnik atuipput, aammalu piginnaasaqarluartoq Hans Henrik Poulsen, Leif Immanuelsen kiisalu nipilersornermik ilinniarfimmit kisimiittartut pikkorissut saqqummiussipput.
Naggataatigut Hans Henrik Poulsenip - nipilersornermik ilinniarfimmi ilinniartut peqatigalugit - erinarsuut ´Nuna Hawaii´ atorpaat, taannalu musical-imit Qullissara-mit ilisimaneqarpoq. Inuit nuannaringaaramikku tusaqqikkusummassuk aappassaaneerlugu atoqqippaat.
Tusarnaartitsineq nuannersoq kusanartorlu, tamatumani peqataallutik nipilersornermik ilinniarfiup erinarsoqatigiivi, nipilersornermik ilinniarfiup nipilersoqatigiivi, cello-mik, agissamik, klarinet-imik noqartilimmillu ilinniartut, USK-imi atuartut kiisalu nipilersortartut avataaneersut arlallit.
Allaaserisap ataani assit takukkit