Skip to main content

Assit: Nipilersoqatigiit issittormiut marluk tusarnaartitsinerat

Pamya aamma ArkTjiks arfininngormat unnukkut Københavnimi Christian Kirke-mi tusarnaartitsipput - tamanna pivoq tupaallannartortalimmik

Tusarnaartitsineq angakkuarpasissoq, kimeqarluartoq alutornartorlu.

Arfininngormat Københavnimi Christians Kirkemi tusarnaartitsineq angalanermi siunnersortip Aviâja Pedersenip taamatut oqaluttuaraa, tamatumani tusarnaariat 150-it missaanniittut akunnerup aappaata affaani issittormiut erinarsuutaannik tivanermillu tusarnaartitsinermi najuullutik.

Alaskameersut Pamya Københavnimeersullu ArkTjiks inuit erinarsuutitoqaannik atuipput, soul-imik, jazz-imik nipilersoriaatsimillu funkimik akulersorlugit, kiisalu mongolimiu torlussortartoq Husgjiltu akunniliuttoralugu.

– Torlussortartup atugai kimittoorujussuupput. Oqaluttuarineqarsinnaannginagjapporluunniit assigiinngitsunik marlunnik torlussoriaaseqarnera. Aappaa qatigoorujussuuvoq, aappaalu qataatsuararsuulluni. Kimeqassusia eqqumiitsumik malugineqarsinnaavoq, alutorsarluarsimaqisoq Aviâja Pedersen Sermitsiaq.AG-mut oqarpoq.

– Pamya-kut ukiorpassuit matuma siornatigut tusarnaarsimavakka. Ullumikkut eqqissisimarpasinnerupput - pitsaasumik. Aamma nuanneqaaq ´Vikingerne´ (nipilersoqatigiit Københavnimeersut inuttaralugit Kristoffer Jul, Nikolaj Frandsen aamma Anders Pedersen, aaqqiss.), nipilersoqatigimmatigit, Aviâja Pedersen oqarpoq.

– Uigalu tusarnaartitsineq nuannisarfigeqaarput. Ilumut! Tusarnariaqqikkusuppavullu. Ilami qiimanaqigami, alutornarlunilu tiguartinnaqigami, tusarnaariartoq nuannisarsimaqisoq oqarpoq.

Pamya ArkTjiks-ilu peqatigiillutik

Pamya-kut Aviâja Lumholt Nukâka Coster-Waldau-lu tusarnaartitseqatigerusussimavaat, erinarsortartoq Karina Møller Sermitsiaq.AG-mut oqaluttuarpoq.

– Taakkua uagutsitullu erinarsuutitoqqatta nutaamik atornissaat nuannaraat. Misigisaq uagutsinnut nuannersuuvoq, nerioqaangalu taamatut periarf9ssaqarnerput kingullermiussanngitsoq, Karina Møller oqarpoq.

– Erinarsuutitoqqavut qittasitoqqavullu kimeqaqigamik, nuanneqaarlu nammineq piumasarluinnatsinnik Aviâja Nukâkalu peqataatillugit taamatut saqqummiisinnaagatta, erinarsortartoq oqarpoq.

Pamya aamma ArkTjiks kiisalu Hugjilstu erinarsukkanik torlorsuutinillu katillugit 14-inik atuipput.

Pamya-kkut tassaapput qatanngutigiit Stephen aamma Phillip Blanchett, Karina Møller, Aassanaaq Kairaluak kiisalu Kristoffer Jul noqartilersortoq, Nikolaj Frandsen bas-ertoq, aamma Anders Pedersen tumerparpaartoq. ArkTjiks tassaapput erinarsortartut Karina Møller, Nukâka Coster-Waldau aamma Aviâja Lumholt.

Assit ataani takukkit

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER