Skip to main content

Assit Nanortalimmit: Prins Christian Fifa-mik spil-erpoq

Nanortalimmi assigiinngitsunik sammisaqartitsisoqarpoq. Kalattuut, kaffisorneq, ornittakkamut frilandsmuseumimullu pulaarneq

Arfininngormat ualikkut kunngip umiarsuaa Dannebrog kunngissakkut ilaasoralugit Nanortalimmut tikippoq.

Meeqqat ornittagaat Pilutaq pulaarneqarpoq, kunngissakkullu ernerata angajulliup Christianip, arfineq-pingasunik ukiullip, nukappiaqqat allat 13-it arsaannermik spil-imik Fifa-mik pinnguaqatigai. Atuisartut ilaata pulaartoq kunngikkormiu kalaallisut oqaluuseriaraluarpaa, allanilli oqarfigineqarluni kalaallisut oqaluffigippani paasigunanngikkaani.

Arfininngormat ualikkut kunngip umirsuaa Dannebrog Nanortalimmut tikimmat illoqarfimmiut amerlanerpaat ilaqutariinnik niuffiorput.

Ilaqutariit talittarfik qaangilaaginnaraallu pingasunik ukiulik pirns Vincent talittarfiup sinaaneeriikatappoq.
Arnaata kunngissap nuliata Maryp tamaanngaaniit peersipallappaa. Soorlu Narsami taamaalisimasoq.

Else Manassenip kunngikkormiut tikeraarnissaat pissangagingaaramiuk nerisinnaasimanngilaq. Imminut eqqissisarniarluni ataavartumik pujortarsimavoq.

– Angerlarutta neriumaarpugut, uimi Frederik Manassenip ernuttamilu barnevognimiittup sanianiilluni oqarpoq. Kunngissap maaniittarnerani takusarnera sungiusimarpasippaat, taamaattumik pingaartumik Mary qitornaasalu takunissaat qilanaareqaat.

Nanortalimmeereerluni Dannebrog avannamut aallaqqippoq Qaqortumukarluni, tassungalu tikilluni sapaammi ullaakkut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER