ataatsimiititsineq
Assit: Naligiissaarinissaq pillugu oqallinnermi inuppassuit najuuttut
Kommuneqarfik Sermersuup kommunalbestyrelsiata ataatsimiititsinerani inuppassuarnit najuuffigineqarpoq illoqarfinni sisamani
Tasiilami, Ittoqqortoormiini, Paamiuni Nuummilu Kommuneqarfik Sermersooq innuttaasunik ataatsimiititsivoq naliissaarinissaq pillugu pingasunngormat.
Innuttaasut ernumassutillit amerlapput.
Nuup Katersortarfiani ataatsimiinneq ingerlanneqartumi inuit 100-t missaat peqataapput - kiisalu aamma kommunalbestyrelsimi ilaasortaasut aamma arlaqartut peqataallutik.
Kommunalbestyrelsimi ilaasortaasut innuttaasunik ataatsimiititsineq aaqqissuuppaat. Illoqarfinni taagorneqartuni tamani ataatsimiititsisoqarpoq.
- Innuttaasunit tapersersorluarneqarnerput malugalugu nuannerpoq. Nalimmassaanissallu nutarterneqarnissaanut sulinitta ingerlateqqinnissaanut tamanna qularnanngitsumik atorluarsinnaavarput, Asii Chemnitz Narup oqarpoq.
Politikkikkut oqartussaasut naligiissaarinermut aaqqissuusseqqinneq akuersissutigissavaat oqarasuaatitigut oqaloqatigiinnermi ataasinngorpat aggustip aqqarngani.
Suliamut tunngatillugu kisitsisit suli saqqummiunneqanngillat.
Assit ataani takukkit