Skip to main content

Assit: Kunngikkut Nuummi pisortatigoortumik tikilluaqquneqarnerat

Nuutoqqami Nuummiut 1000-t angullugit amerlassusillit aterfiorput, kunngikkut Nunatta Katersugaasivata ataanut tulammata, tassanilu borgmesterip dronningi uialu tikilluaqquvai

Nuummiut untritillit arlallit - immaqa tusnit angullugit - dronning Margrethe uialu prins Henrik Nuummi Nunatta Katersugaasiviata ataanut tulammata aterfiorput, Kommuneqarfik Sermsersuullu borgmesteriata Asii Chemnitz Narupip kunngikkut Nuummut tikilluaqquvai.

Nuutoqqami inuppassuit nuannaarlutik dronngip uiatalu takunissaat pissanngatigalugu utaqqivaat. Kunngikkut umiatsiaminnik chalup-imik nubamukarnerannim inuit tupatsillugit qamutilittoqarpoq, tikilluaqqusilluni qamutilinnermik.

Tikilluaqqusineq kusanartoq

Eva Damgaard Andersenip, ullumikkut inuuissiortup, dronningi naasunik tunivaa. Taassuma anini, Emil Damgaard Andersen, aqagu quliliisussaq ilagaa.

Meeqaat taakku sunngiffimmi sammisassaqartitsivimmit Illu-meersuupput.

Nuummi erinarsoqatigiit Nipe inuiattut erinarsuut ´Nunarput utoqqarsuanngoravit´ erinarsorpaat. Ilaatigullu Kommuneqarfik Sermersuumeersut, naalagaaffiup sinniisuianeersut, Inatsisartut siulittaasuata, Naalakkersuisut siulittaasuata politimesterillu kunngikkut assammippaat.

Nuummut tulannermik kinguninngua kunngikkut Kittat pulaarpaat - amernik atisassiornermik katersugaasivik sulisoq. Pulaarnerminni kunngikkut amernik mersortarfimmi angalaartinneqarput. Tamatuma kingorna kunngikkut Nuutoqqamut qanittuaniittumut pisuttuarput takkussimasut ilassiortorlugit. Inuppassuit takkussimasut nuannareqisaannik uiata prinxip kuanneq aqquserngup sinaaniittoq tigoriarlugu kiisiffigaa.

Kunngikkut Grønlandsbankimi ulloq´qeqqasioriartunnginnerminni Kalaallit Nunaata Eqqartuussivia pulaarpaat, tassani ilassutaanik takornariartinneqarlutk parnaarussivittaassamillu oqaluttuunneqarlutikk.

Kunngikkut Nuummut tikinnerannit pisortatigoortumik tikilluaqquneqarnerannit assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER