premiere

Assit: Kulturilerisut AWG-mut piareerput

Erinarsuutigaluni isiginnaagassiaq ’Flying Drops’ Alaskami Arctic Winter Gameseqarnerani takuteqqaarneqartussaq nuannersumik takuterngaarneqarpoq

Puttaat angallatigalugit nunanut allanut angalapput
Inuusuttuaqqat ilitsersuisuilu ullut 14-it piareersarsimapput
Qitillutillu erinarsorput
Flying Drops sapaatip akunnera tulleq Fairbanksimi takutinneqassaaq
Inuusuttuaqqat qitillutillu erinarsortartut iluatsilluartumik takutitserngaareerlutik
Qitillutillu erinarsorput Leiff JosefsenFlying Drops sapaatip akunnera tulleq Fairbanksimi takutinneqassaaq Leiff JosefsenInuusuttuaqqat qitillutillu erinarsortartut iluatsilluartumik takutitserngaareerlutik Leiff JosefsenPuttaat angallatigalugit nunanut allanut angalapput Leiff JosefsenInuusuttuaqqat ilitsersuisuilu ullut 14-it piareersarsimapput Leiff JosefsenQitillutillu erinarsorput Leiff JosefsenFlying Drops sapaatip akunnera tulleq Fairbanksimi takutinneqassaaq Leiff JosefsenInuusuttuaqqat qitillutillu erinarsortartut iluatsilluartumik takutitserngaareerlutik Leiff JosefsenPuttaat angallatigalugit nunanut allanut angalapput Leiff JosefsenInuusuttuaqqat ilitsersuisuilu ullut 14-it piareersarsimapput Leiff JosefsenQitillutillu erinarsorput Leiff Josefsen

Inuusuttuaqqat erinarsornermi qitinnermilu piukkunnaateqarluartut isiginnaartut nikuillutik ersaartaappaat hurraartorlutillu takutitassiamik sisamanngornermi ualikkut takutitserngaarmata. Takutitaat tassaavoq ’Flying Drops’ inuusuttuaqqat ilitsersuisutik suleqatigalugit ullut 14-it kingulliit piareersarsimasaat.

Nunatta assiga puttaanngortinneqarpoq taakkunanilu inuusuttut nunanut assigiinngitsunut angalapput. Angalanilersaarutaat erinarsuutit ilisarnartut atorlugit oqaluttuarineqarpoq soorlu Julie Berthelsenip erinarsugaa ’Home’ aamma nipilersoqatigiit Qaakkut atugaat ’Timmissatut ilillunga’ erinarsorlugit.

Nikuillutik ersaartaattut
Erinarsuutigaluni isiginnaagassiap ’Flying Drops’ip ilamernga taamaappoq taannalu kulturikkut illorsuarmi Katuami sisamanngornermi ualikkut takutinneqarpoq isiginnaarianut akeqanngitsumik. Inuppassuit neqeroorut ilassilluarpaat aammalu isiginnaartitsineq minutsit 20-it missaliorlugit takissusilik naammat nikuillutik ersaartaallutik.

Isiginnaartitsisut tassaapput Maliina La Cour Vahl, Linda Kristiansen, Maaliannguaq Hermansen, Ululinannguaq Reimer Olsen, Mia Biilmann Larsen aamma Sandra Jerimiassen, taakkulu Nunarput sinnerlugu Arctic Winter Gameseqarnerani kulturimik nittarsaassissapput

Pipaluk Kreutzmann Jørgensen ilitsersuisuuvoq piareersarnermilu Aviaja Lumholtimit aamma Karina Møllerimik erinarsornikkut qitinnikkullu ikiorneqarsimallutik. Scenemi tunuliaqutsiisuuvoq Lisbeth Karline Poulsen.

Isiginnaagassiaq sapaatip akunnera tulleq Alaskami Fairbanksimi Arctic Winter Gameseqarnerani takutineqassaaq. Kalaallit Arctic Winter Gamesimi peqataasussat tallimanngornermi Alaskamut aallassapput.

Takutitsinermit assit ataani takukkit

Arctic Winter Gamesimit allaaserisat uani atuakkit

Powered by Labrador CMS