Skip to main content

Assit: Kujataani nunaqarfik ukiunik 180-inngortorsiortoq

Qassimiut tunngavilerneqarnerminit ukiunik 180-inngortorsiorpoq. Tamanna ulluni marlunni nalliuttorsiutigineqarpoq

Tallimanngormat juulip 10-anni kujataani nunaqarfik Qassimiut ukiunik 180-inngortorsiorluni nalliuttorsiorpoq. Nalliuttorsiorneq pissutigalugu Qassimiormiut 20-ngajaat sisamanngormat tallimanngormallu nunaqarfiup nallittorsiutigineqarnerani sisamariaatingajammik amerleriarput.

Qaqortup provstia Dorthe Petersen Qassimiut oqaluffianni nalliuttorsiornermi naalagiartitsivoq.

Ullaakkut nalunaaqutaq 08.00 pisarnertut marlunnik erfalasuliisoqarpoq, niuertoq soraarneq Lars Boassen erfalasuliisoralugu - tamatumalu kingorna kommunalbestyrelsimut ilaasortaq Narsameersoq Benjamin Kielsen nalliuttorsiornermi oqalugiarpoq. Taassuma angajoqqaavi Qassimiormiuupput, ukiorpassuarnili Narsami najugaqarsimallutik.

Ilanngullugu nunaqarfiit kujallerneersut sinniisuat, Eqalugaarsunneersoq Assala Erngsen Qassimiut nalliuttorsiorneranut qaaqquneqarsimavoq.

Nalunaaqutaq 12.00 tuperujussuarmi, katersortarfiup eqqannguaniittumi, kalaaliminertuuttoqarpoq. Tassani Qassimiormiut 20-t angungajallugit amerlassusillit saniatigut tikeraat - ilarpaalui Narsaminngaanneerlutillu Qaqortuminngaanneersut arlallillu Danmarkimeersut - kiisalu Qassimiormiuusimasut aappatik qitornatillu ilagalugit.

Unnuykkut nalunaaqutaq 18.00-miit nereqatigeeqqittoqarlunilu katerisimaaqatigiittoqarpoq.

Assit ataani takukkit

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER