Skip to main content

Assit: Kangerlussuarmi kajumissutsiminnik ikiuuttut pilersaarut B-mut piareersartut

Arfininngornerup sapaatillu ingerlaneranni AWG-mi peqataasussat 1259-it tikinnissaannut Kangerlussuarmi kajumissitsuminnik ikiuuttut ippassaq piareersaramik pigaartussanik toqqaapput, siniffiit asimi atortakkat katitertakkat katiternissaannik ilinniartinneqarlutik aammalu asimi nerisassat sunik imaqarnerannik takutinneqarput

Ippassaq Kangerlussuarmi kajumissutsiminnik ikiuuttut 20-t missaanniittut takkupput, pigaartuuffissat agguataarneqarmata aammalu arfininngornermi sapaammilu ulapputissat pillugit paasissutissiisoqarmat.

Issittumi Sakkutooqarfiup siniffiit asimi atorneqartartut, peqataasut qasuersaarfissaasa, qanoq puuiarneqarnissaat katiternissaallu asimilu nerisassat sunik imaqarnersut takutippai.

AWG-mi peqataasussat tikilluaqqunissaannut Kangerlussuarmi sulisut peqatigiilluartorujussuupput, Air Greenlandimi sumiiffimmi pisortaq Heidi Schermer oqarpoq.

Innuttaasut ikiuupput

Taanna oqaluttuarpoq sisamanngormat ilimanarsimmat inuit 1000-t Kangerlussuarmi inissaqartinneqassasut, arlaat Facebookimi allassimasoq neriuutigalugu nunaqarfimmiut peqataasussat tikilluaqqulluarumaaraat namminerlu inunnut marlunnut inissaqartitsilluni. Tamatuma kingorna siniffissanik neqerooruteqartut imaaginnalivissimapput.

– Uulikullannaannarporluunniit. Inuit tamakkua qinnuigineqaratik taamaasiortut nersunareqaakka, taanna oqarpoq.

Heidi Schermer naapertorlugu Pilersaarut B ukiuni arlalinni Kangerlussuarmi sulissutigineqarsimavoq. Taamaakkaluartoq pilersaarutit annertuumik allanngortittariaqarsimapput. Ilaatigut inersuarmi halimi siniffissat 80-it qatserinermik oqartussaasunit atoqqusaasimanngillat.

Peqataasussat qasuersaassapput

Taamaakkaluartoq inuit 1000-t Kangerlussuarmi unnuisussaasimagaluarpata suut tamarmik piareersimasimassagaluarput, taanna uppernarsaavoq.

Maanna suliassaq pingaarneq tassaavoq peqataasussat tikilluaqquneqarnissaat Hotel Umimmammullu aammalu atuarfimmut oqqullugit, Nuummut timmisartuussinerit aallartinnginneranni taakkunani qasusersaarniassammata.

Angalasut katersuuttarfiat

Kajumissutsiminnik ikiuuttut ilagaat Claus Hugger, taannalu Kangerlussuarmi fritidsklubbimi ulluinnarni pisortaavoq. Taassuma ilaatigut isumagisassaraa AWG-mi peqataasut utaqqineranni kulturikkut aliikkusersorneqarnissaat, aammalu utaqqiffianni atuarfimmiittassalluni fritidscenterimiittassallunilu. Peqataasussat utaqqineranni nipilersortartoq Apunnguaq erinarsorluni nipilersorlunilu aliikkusersuissaaq, frtidsklubbimilu inuusuttut uaaeernermik takutitsissapput.

– Suut tamarmik ingerlalluarnissaat pingaaruteqarpoq. Takuneqarsinnaassaarmi sapinngisarput tamaat iliuuseqartugut. Takutissavarput Kangerlussuaq angalasut katersuuttarfiattut atorsinnaasoq, sila pissutigalugu Nuummut timmisartuussinissat unitsiinneqaqattaartarneranni, taanna oqarpoq, mittarfissuup Kangerlussuarmiinnissaanik Nuummiinnissaanilluunniit oqallinnermut tinnersaataarpasissumik.

Assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER