Nunanut allanut unammineq
Assit: Kalaallit savalimmiormiunut marloriarlutik ajugaapput
Illup iluani arsaannermi futsalimi kalaallit unammisartui kakkannerit Savalimmiunut marloriarlutik ajugaapput
Futsalimi arsaannermi kalaallit savalimmiormiullu Nuummi timersortarfissuarmi Inussivimmi arfininngoprnermi sapaammilu unamminerat tamaviaarfioqaaq. Marloriarluni allagartamik aappalaartumik nittaasoqarpoq arfininngornermi sapaammilu kalaallit ajugaammata.
Futsalimi nunanut allanut unammisartut isiginnaartunit tapersersorluarneqarput. Arfininngornermilu unammineq pissanganarseriivilluni aallartippoq. Minutsit pingasuunngitsut ingerlariiginnartut savalimmiormiut 1-0-mut siuarput. Tamatuma kinguninngua aamma kalaallit anføreriat Norsaq Lund Mathæussen allagartamik aappaluttumik takutitsivigineqarpoq sakkortuaallaamik arsaarseriarnermi kingorna. Tullianillu isertitsisoqarnissaat tungaanut kalaallit ikinnerupput Frederik Funckillu B-67-meersup kalaallit ilorraap tungaanut aallartippai isertitseqqaartuugami. Kalaalli pissangajunnaamigamik arsarluarnerulerput taamalu unamminermi 6-2-mik ajugaallutik. Kalaallit isertitsisut allat tassaapput Kaassannguaq Zeeb, John Ludvig Broberg. Markus Jensen aamma Frederik Funck marloraarput.
Aappaluttuleeqqipput
Sapaammi unnukkut unammineq arfinngornermi unnukkut unamminerup mumiganik aallartippoq. Kalaallit siuajaarput savalimmiormiullu aquttuat allagartamik aappaluttulerneqarpoq dommerit naliliinerat malillugu sakkortuallaamik arsaarseriarami.
Kalaallit 5-3-mik ajugaapput kalaallillu isertitaat tamarmik muminnissaq sioqqullugu isertinneqarput. Isertitsisut tassaapput Norsaq Lund Mathæussen, Jakob Møller, Markus Jensen John Ludvig Brobergilu marloraarpoq.
Tallimanngornermi unnukkut kalaallit unammisartuisa aappaat Savalimmiunut 6-8-mik ajorsarput.