allanngueqataaneq

Assit: Kalaallit qulleq angallanneqarsinnaasoq pilersitaraat

Issittumi inoqqaat siulliit orsoq atorlugu qulleqartartut ilisimaneqartareerpoq, qullerli angallanneqarsinnaasoq aamma kalaallit pilersitarigaat aatsaat paasineqarpoq

Nuup kangerluani Itinnerani nassaarineqarnikoq. Qulleq 30 centimeteriuvoq
Qanoq qulliliortoqartarsimaneranik ilitsersuut
Saqqarmiut qullerisarsimasaat
Qanoq qulliliortoqartarsimaneranik ilitsersuut NationalmuseetSaqqarmiut qullerisarsimasaat NationalmuseetNuup kangerluani Itinnerani nassaarineqarnikoq. Qulleq 30 centimeteriuvoq NationalmuseetQanoq qulliliortoqartarsimaneranik ilitsersuut NationalmuseetSaqqarmiut qullerisarsimasaat NationalmuseetNuup kangerluani Itinnerani nassaarineqarnikoq. Qulleq 30 centimeteriuvoq NationalmuseetQanoq qulliliortoqartarsimaneranik ilitsersuut Nationalmuseet

Saqqarmiut ukiut 4.000-t matuma siorna orsumik qullertik angallassinnaalersigaat paasineqarpoq. Ukiumi inuuneq taamaasilluni oqinnerulersimavoq.

- Naneruummik pilersitsisimasuusutut taaneqarsinnaavoq, Nationalmuseetimi forskningsprofessori Bjarne Grønnow oqarpoq.

Ulla Odgaard aamma Martin Appelt Nationalmuseetimeersut peqatigalugit paasivaat Saqqarmiut ukiut 4.000-tit matuma siorna orsoq atorlugu qulleqartarneq kalaallit pilersitarisimagaat. Kalaallit Nunaanni pilersinneqareerami Issittumi atugaalerpoq ukiut 1900-t Kristusip siulianit.

- Inuit qulleq atorfissaqartitaraat, taamaattumik qaamanermik kialaartitsisinnaasumillu nassaarnissaq pisariaqarsimavoq, tusagassiutinut nalunaarummi Bjarne Grønnow oqarpoq.

Issittumi inoqqaariit orsoq atorlugu qulleqarsinnaalereersimapput, qulliulli ingerlanneqarnissaa suli atugarisimanagu. Najukkami qiterpiaani qulleqartarsimapput.

Qaamanerup atorneqalernerani unnukkut suliassat aamma suliarineqarsinnaanngorsimapput. Atisat suliarineqarsinnaalerput kiisalu piniarnermut atortut aamma iluarsarneqarsinnaalerlutik. Orsoq aamma peqqissaarlugu atoraanni pujorneq ajorpoq.

- Kalaallit Nunaata kitaani qulleq angallanneqarsinnaasoq pilersinneqarpoq, taamaasilluni najukkami qulleq ingerlanneqarsinnaalerlunilu silammukaanneqarsinnaalerpoq. Angalanerni aamma atorneqarsinnaalerpoq, Bjarne Grønnow oqarpoq.

Assit ataani takukkit

Powered by Labrador CMS