Juullip inua
Assit: Juullip inua Nuummi pulaaqattaarpoq
Ilaqutariit arlallit juullip inuani juulliaqqami pulaarneqarpoq
Nammineq piumassutsimik suliniaqatigiit ’Nuummi juulimaat’ juulliaqqami puussiaaqqanik mamakujuttunik imalinnik tupaallaattaasumik angerlarsimaffinnut arlalinnut agguaapput. Juullip inui qulit Nuummi illoqarfimmi angalaarlutik angerlarsimaffinnut agguaassipput.
Ukiut pingajussaat tulleriit Nuummi juulimaat Nuupmmi angerlarsimaffinnut kasuttortarlutik angalaarput puussiaaqqanik agguaallutik. Ilaqutariit pissakinnerit aammalu ilaqutariit alla ullaakkut nalunaaqutaq arfineq pingasut qulillu akornanni pulaaqattaarneqarput.
Immikkut aquttulerlutik
- Meeqqat ilaat tupigusussuaartarput qujaniarlutik, ilaallu nukarliunerusut ersilaartaraluartik nuannaartaqaat, Nuummi Juulimaat sinnerlugit Jan Knudsen nalunaarpoq.
Juullip inui quliusut tamarmik immikkut biiliussisulerlutik angalaarput puussiaaqqallu 200-ut missaat agguaanneqartut Nuummi Juulimaat nalunaarput.