Assit: Juullimi tusarnaartitsineq Strøgimi immikkut takusassaqartitsivoq

Arfininngormat unnukkut Københavnimi Strøgimi immikkut ittunik takusassaqarpoq.

Aqqusinermi pisiniarfeqarfimmi inuit ulapittut juullimut pisiniuttut akornanni takkupput kalaallit, islandimiut savalimmiormiullu inuiattut assuutitik atorlugit.

Tamarmik Helligåndskirken-imukaapput, tassani ileqqoq malillugu Atlantikup Avannaamiut ukiumoortumik juullimi tusarnaartitsimmata.

Carsten Siegstad inunnut takkussimasunut 500-t missaanniittunut tikilluaqqusivoq, tusarnaartitsinerlu aallartinneqarpoq erinarsoqatigiinnit Savalimmiuneersunit Húsakórid-ikkunnit.

Akunnerit aappaata affaani tulliuttumi juullisiuterpassuit tusarneqisumik atorneqartarput erinarsoqatigiinnit assigiinngitsunit arfinilinnit, nunanit Atlantikup avannaaneersunit.

Nunatsinnit peqataapput erinarsoqatigiit Aavaat aamma MIK, marluullutik Københavnimi angerlarsimaffillit, nunanili allani Kalaallit Nunaat sinnerlugu erinarsoqatigiittarlutik.

Islandimit peqataapput arnat erinarsoqatigiit Det Islandske Kvindekor aamma STARKA, Savalimmiunillu peqataapput Húsakórid aamma Mpiri.

Organip Stefán Arasonip erinarsoqatigiit pattagissamik ingiorpai.

Tusanaartitsineq aaqqissuunneqarsimavoq Kalaallit Illuutaannit, suleqatigalugit savalimmiut illuutaat islandimiullu kulturimut illuutaat.

Nunat avannaamioqatigiit Københavnimi ukiut 17-ssaat juullilernerani tusarnaartitsipput. Tusarnaartitsinerit 1997-mi aallartinneqaqqaarput.

Assit ataani takukkit