Skip to main content

Assit: Iluliarmiut patajaatsumik aningaasaqarnissamut qinersipput

Sermitsiaq.AG Ilulissani qinersiviup eqqaani qinersisartut ilaanik naapitaqarpoq, taakkua aningaasaqarnerup pitsanngoriarnissaa neriuutigalugu qinersisimapput

Ilulissani qinersivimmut, Kulturhuset Sermermiuni, illoqarfiup qeqqani inissisimasumut, inuit neriuuteqarluartut tallimanngornermi ullup qeqqalernerani ornigullattaaginnaavipput.

Sermitsiaq.AG-ip iluliarmiuni qinersisinnaasuni 3249-ni pingasut ullup qeqqannginnerani qinersiartortut naapippai.

Naapitta pingasut tamarmik neriuutigaat nunatta aningaasaqarnerata pitsaanerulernissaa ajornerulerani.

- Nunatta aningaasaqarnerata siuariarnissaa neriuutigalugu qinersivunga. Tassa aningaasaqarnerup qummut aallarnissaa qinersinerup kingorna neriuutigalugu.

- Taamaammat isortuutissanngilara uanga Inuit Ataqatigiinnik qinersigama, Emma Simonsen isumalluarpalulluni Sermitsiaq.AG-mut taama oqarpoq.

Atuaruk: Ilulissat: Amerlanerit taasipput

Aalaakkaasumik aalisarsinnaanermut neriuuteqartoq
Qinersisartup allap aamma neriuutigaa qinerseqataanermigut aningaasaqarnerup allanngujaatsumik ingerlalersinnaanera.

- Siunissamut iluamik aallarnissaq neriuutigalugu taasivunga. Aamma aningaasaqarnikkut suli ingasannermut pinnginnerani iluamik ingerlalernissaq neriuutigalugu. Kisianni partii sorleq taanerlugu oqaluttuarerusunngilara, Terkel Larsen Sermitsiaq.AG-mut oqarpoq.

Kisianni aamma umiatsiaararsorluni aalisartup qinerseqataanermigut neriuutigaa aalaakkaanerusumik aalisarnerup ingerlanneqalersinnaanera.

- Aalisartuuvunga namminersortoq. Taamaammat umiatsiaararsorlutik angallatersorlutillu aalisartut siunissami unittaqattaaratik aalisartarsinnaanerat neriuutigalugu qinersivunga. Aamma ingerlaannartumik aalisartitsisoqaraluarpat tamanna nunatta aningaasaqarneranut siumut kivitsilluarsinnaangaluarpoq, Illooraq Therkelsen partiimut sorlermut taasisimanerluni oqaatiginnikkusunngitsoq taama Sermitsiaq.AG-mut oqarpoq.

Assit allaaserisap ataani takukkit

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER